طريقة عمل البط المحشي بالمرته،طريقة عمل البط الدمياطى بالمرتة – منتدى كنتوسه
مساء الخير والسعادة عليكم يااهل منتدى كنتوسه

معانا عمايل البط ع الطريقه الدمياطيه والحشو بالمارته الدمياطي

من مطبخ كنتوسه واسراره وكمان بستخدم المارته دي مش في البط بس
حاجه كده روعه بشهاده اللي اكلها من ايدي
عايزه اشوف تعليقاتكم الجميله والتفاعل

الطريقه عشان الكل يستفيد
حشو البطه

(المارته بصل وتوم وفلفل حار حسب الرغبه وزيت وليمون وبهارات ملح وفلفل اسمر
وكمون وكسبره ناشفه وجوزه الطيب وزبيب نضع كل البهارات على البصل
وتقلب جيداً ونحشى بها البطه وكمان دخلى الحشو من عند الزور

وده شكلها بعد ما حشتها وقفلتها بخله خشب

الحشو ده بستخدمه برضه فى السمان والحمام واليمام وكمان الفراخ

وهنا حشيت فرخه بنفس الطريقة وكمان دخلت الحشو تحت الجلد

وده شكلهم حلوين يا خواتى حلوين

وده شكلهم وهم على النار فى البوكيه جارنيه
فى ناس هتقول ازاى حطتيتى البط مع الفراخ فى حله واحده عادى جدا جربوها وبعدين ابقوا تكلموا

إيه البوكيه جارنيه ده

وايه مقاديره
فص مستكه وحبهان وورق لورا وفلفل اسمر حصى وبشر طمطمايه وجزر حلقات وبصله بحالها

شكلهم أهو لما استوا

قبل ما تدخليهم الفرن رشى ملح وفلفل اسمر وليمون وسمن

وده الجمال عدى الكلام

براحتك قدميه مع الخضار إلى تحبيه

بطاطس ما اروعك

بط يعنى ملوخيه بالشوربه

وبألف هنا وعافيه على قلوبكم الصافيه

• شرح آداب الفتوى والمفتي والمستفتي
• طريقة عزل الصوت في المنزل باستخدام مواد عازلة
• وصفات باللانشون سهلة وسريعة
• بالصور.. تعرف أخطر 6 حشرات على الإطلاق
• أخطاء لازم تخلى بالك منها فى الشوبينج أونلاين