جددوا في مطبخكم يا جماعة..
أيوه جددوا فيه سواء في الادوات أو شكل الأكل.. والحكاية مش لازم تكلف فلوس كتير ..
اعملي حصالة وحطي فيها الفضة اللي تتبقى من كل تسويقة
وبعد كام شهر افتحيها هاتي أطباق لو ناقصك هاتيها فرداني حتى..
هاتي صينية محتاجاها او حتى قومة خشب للتقطيع..
الحاجات دي بتفرح جدا وبتغير النفسية والمزاج وبتحسسك بالبهجة وتشجعك كمان تقفي في المطبخ وتبدعي..
بأبسط الادوات على فكرة بس تجددوها بحاجات بسيطة
من حيث الادوات فأنا جالي الجريل ده هدية وأنا اصلا كنت ناوية أجيبه
بس ربك لما يكرم بقى يبعت أمنياتك مع عباد سخرهم لاسعادك
.. فاستخدمته في شوي الفراج على البوتجاز بدل ما اشغل الفرن علشان ٤ أوراك..
أيوه جددوا فيه سواء في الادوات أو شكل الأكل.. والحكاية مش لازم تكلف فلوس كتير ..
اعملي حصالة وحطي فيها الفضة اللي تتبقى من كل تسويقة
وبعد كام شهر افتحيها هاتي أطباق لو ناقصك هاتيها فرداني حتى..
هاتي صينية محتاجاها او حتى قومة خشب للتقطيع..
الحاجات دي بتفرح جدا وبتغير النفسية والمزاج وبتحسسك بالبهجة وتشجعك كمان تقفي في المطبخ وتبدعي..
بأبسط الادوات على فكرة بس تجددوها بحاجات بسيطة
من حيث الادوات فأنا جالي الجريل ده هدية وأنا اصلا كنت ناوية أجيبه
بس ربك لما يكرم بقى يبعت أمنياتك مع عباد سخرهم لاسعادك
.. فاستخدمته في شوي الفراج على البوتجاز بدل ما اشغل الفرن علشان ٤ أوراك..
اما من حيث شكل الأكل
فانا اولادي بيحبوا الارز عن المكرونة فترغيبا لهم فيها وتنويعا في الاكل لهم
وللجميع اشتريت مكرونة باشكال مختلفة اللي حلزونية واللي على شكل قواقع واللي دائرية بتبقى زي عجل العربية
لما تستوي وباعمل منها كل اسبوع نوع.. غالبا بياكلوا منها بمحايلة بس أهو باحاول..
الطريقة بقى ويا رب الادمن ما يقفش عليه
#الفراخ..
اتغسلت زي الفل
وفي الكبة حطيت :
* طمطمايتين + معلقة صلصة+ معلقة صغيرة هريسةحمراء+ وزيها هريصة توم وفلفل اخضر حامي +
* معلقة عسل ابيض+ معلقة صغيرة كل من
* بابريكا
* توابل فراخ
* كاري
* بصل باودر
* رشة قرفة ورشة جنزبيل وكذلك فلفل اسود .. ملح .. عصير ليمونة
ضربت كل المكونات في الكبة وتبلت الاوراك من بالليل..
وحطيتها في الجريل على نار متوسطة ومعاها تلتين كوباية مية وقلبتها في نصف السوا..
اخدت بالضبط ٣٥ دقيقة.. اتحمرت ونشفت ميتها وفي نفس الوقت استوت جدا وعجبتهم جدا الحمد لله..
#ملحوظة
مكونات التتبيلة دي عملت بها ٨ اوراك ممكن تعملي بيهم فرختين ..
#المكرونة
٤٠٠ جرام مكرونة “ده وزن الكيس بتاعنا”
عصير طماطم .. معلقة صلصة+ فلفل الوان مقدار حباية كبيرة مكعبات ..
زيت زيتون “او زيت عادي” معلقة زبدة.. معلقة كبيرة هريسة توم وفلفل اخضر ..
رشة سكر.. مكعب مرقة بيتي “انا عاملاها ونشرتها هنا قبل كده” .. كوبايتين مية ..
حمرت التوم بالفلفل في الزيت والزبدة ونزلت عليهم بالطماطم والصلصة والملح ورشة السكر ومكعب المرقة وكوبايتين مية
ولما غليت المكونات دي مع بعض حطيت المكرونة وهديت النار زي ما اكون باعمل ارز ..
تلت ساعة وكانت عندي مكرونة جوسي طرية ولذيذة جدا ولا تسلقي ولا تصفي وتتعبي نفسك..
ملحوظة بتقلبيها مرة في وسط السوا ..
عملت معاهم سلطة زبادي بالخيار..
زبادي وخيار مبشور.. وتوم مفروم وملح بس ..
فانا اولادي بيحبوا الارز عن المكرونة فترغيبا لهم فيها وتنويعا في الاكل لهم
وللجميع اشتريت مكرونة باشكال مختلفة اللي حلزونية واللي على شكل قواقع واللي دائرية بتبقى زي عجل العربية
لما تستوي وباعمل منها كل اسبوع نوع.. غالبا بياكلوا منها بمحايلة بس أهو باحاول..
الطريقة بقى ويا رب الادمن ما يقفش عليه
#الفراخ..
اتغسلت زي الفل
وفي الكبة حطيت :
* طمطمايتين + معلقة صلصة+ معلقة صغيرة هريسةحمراء+ وزيها هريصة توم وفلفل اخضر حامي +
* معلقة عسل ابيض+ معلقة صغيرة كل من
* بابريكا
* توابل فراخ
* كاري
* بصل باودر
* رشة قرفة ورشة جنزبيل وكذلك فلفل اسود .. ملح .. عصير ليمونة
ضربت كل المكونات في الكبة وتبلت الاوراك من بالليل..
وحطيتها في الجريل على نار متوسطة ومعاها تلتين كوباية مية وقلبتها في نصف السوا..
اخدت بالضبط ٣٥ دقيقة.. اتحمرت ونشفت ميتها وفي نفس الوقت استوت جدا وعجبتهم جدا الحمد لله..
#ملحوظة
مكونات التتبيلة دي عملت بها ٨ اوراك ممكن تعملي بيهم فرختين ..
#المكرونة
٤٠٠ جرام مكرونة “ده وزن الكيس بتاعنا”
عصير طماطم .. معلقة صلصة+ فلفل الوان مقدار حباية كبيرة مكعبات ..
زيت زيتون “او زيت عادي” معلقة زبدة.. معلقة كبيرة هريسة توم وفلفل اخضر ..
رشة سكر.. مكعب مرقة بيتي “انا عاملاها ونشرتها هنا قبل كده” .. كوبايتين مية ..
حمرت التوم بالفلفل في الزيت والزبدة ونزلت عليهم بالطماطم والصلصة والملح ورشة السكر ومكعب المرقة وكوبايتين مية
ولما غليت المكونات دي مع بعض حطيت المكرونة وهديت النار زي ما اكون باعمل ارز ..
تلت ساعة وكانت عندي مكرونة جوسي طرية ولذيذة جدا ولا تسلقي ولا تصفي وتتعبي نفسك..
ملحوظة بتقلبيها مرة في وسط السوا ..
عملت معاهم سلطة زبادي بالخيار..
زبادي وخيار مبشور.. وتوم مفروم وملح بس ..