ورجعنا من تاني وياريت بقي يكون فيه شويه تفاعل منكم يا حلووين
طريقه عمل الكبده الاسكندراني بتاعت المحلات او الشارع
والتكات ال بتخليها تنجح معانا وتبقي احلي من بتاعت برا
المكونات
نصف كيلو كبده كندوز
ربع كيلوفلفل رومي وحار
للتتبيل
ملح وفلفل وكمون وفلفل اسود
3فصوص ثوم مهروسين
معلقتين خل كبار
الطريقه
اول حاجه الكبده هنقطعها صغير ومتتغسلش تجيبيها من جزار مضمون
ومنغسلهاش دي حاجه مهمه ولو هتغسيليها تصفيها كويس جدا
وبعد التقطيع هنضع عليها التوم والتوابل ومعلقتين الخل
ولو عندك وقت تسيبيها ساعه فالتتبيله دي فالتلاجه يبقي تمام مفيش يبقي خلاص
هنقطع الفلفل الرومي الاخضر والحامي ونجهزه
نيجي بقي لاهم حاجه وهي طريقه القلي هنضع عالنار الطاسه
ونضع حوالي 3ملاعق زيت كبار او ربع كوب زيت ونتركه يسخن جدا
واول اما يسخن اوي هنزل بالكبده المتبله وممكن منزلش بكل الكميه
هنزل بنصفها ومقلبش علي طول طبعا لما هنزل بالكبده فالطاسه
هسمع صوت تشتها عالي وبعدين بقلب تقلبتين واول لما تاخد لون هنزل
بالفلفل واقلب تشوحتين تلاته واطفي ولو في كميه تانيه بطلع المره الاولي
وارجع ازود الزيت واكمل بتقدم اما فعيش بلدي او فعيش الفينو مع مايونيز
والف هنا
االملحوظه المهمه هنا
اني مخليش الكبده تنزل مايتها لو نزلت يبقي كده خلاص
ولا هيبقي ليها اي طعم ودي الحاجه المهمه ال بتخلي الكبده
تنجح ومبتاخدش وقت كتير عالنار مجرد انها اخدت لون واحمرت بسيط هحط الفلفل وتشوحتين وخلاص كده.
بالهنا والشفا
طريقه عمل الكبده الاسكندراني بتاعت المحلات
طريقة عمل كبدة اسكندراني زي المحلات
طريقة عمل الكبدة الاسكندراني الشيف الشربيني
طريقة عمل كبدة عز المنوفي
طريقة عمل الكبدة الاسكندراني بالصور للشيف حسن
طريقة عمل الكبدة الاسكندراني فاطمة ابو حاتي
طريقة عمل الكبدة الاسكندراني الشيف علاء الشربيني
طريقة عمل الكبدة المستوردة زي المحلات
طريقة عمل الكبدة زي المطاعم
