رول اللحمة المفرومة المحشى بالفلفل الألوان المشوى
المقادير:
نص كيلو لحمة مفرومة
بصله كبيرة مفرومة ومتصفية
بيضة
نص كوب بقسماط
ملح،فلفل،توم بودر،بصل بودر،بابريكا،بهارات لحمة،معلقه بيكينج بودر.
الطريقة :
هنخلط كل الحاجات دى مع بعض كويس جدا
ونجيب ورق ذبدة ونفرد اللحمة المفرومة مستطيل ونحط فلفل ألوان مشوى
ونلف اللحمة على شكل رول ونقفلها على شكل بونبوناية من الجناب
ونحطها جوة ورق فويل ونلفه ونضغط بسيط ونلفه بونبونى
ونسيبة فى التلاجة نص ساعه أو ساعه وبعدين نحطه فى صينية
ونحط جواها كوباية ماية وندخلة فرن سخن على درجة حرارة ٢٠٠
أول ربع ساعه وبعدين ننزل الحرارة ل١٨٠ ونقلب الرول على الناحية التانية
بعد مايستوى تولع الشواية وندهن الرول صلصله وملح بسيط وفلفل وزيت
وندخلة تحت الشواية ولما يحمر نسيبة يبرد ويتقطع
