خدوا المفيد فوصفه مختلفه لدبابيس الفراخ
اللي تخليكم تعملوها وتبهروا بالنتيجه
بتتبيله مختلفه عن المعتاد وطعم خطير وطريقه تسويه
جايز اول مره تشوفها افتحوا الصور الشرح تحتها
طريقة عمل دبابيس الفراخ في الفرن
- الوصفه انا سميتها دبابيس شفاشيفو المُعلقه
شفاشيفو دي دلع شيف
دبابيس الدجاج بطريقة جديدة هتعشقيها –
- دبابيس الفراخ المقرمشة وصفات دبابيس الدجاج البلدي طبيخ دبابيس دجاج مشوية
- كنتاكى دبابيس الدجاج بالفرن أطباق الدجاج بدبابيس
البساطه فالمكونات والسهوله فالطريقه اللي هاتبعوها فباقي الصور
هتخلي الوصفه تنجح معاكم من اول تجربه
ومتنسوش تتفاعلوا مع الموضوع عشان يوصل لغيركم
التتبيله
لمقدار ٨ دبابيس صغيره وزنهم ٦٠٠ جرام
وبيتغسلو كويس ويتجففوا من المياه تماما خرمتهم
بسن سكينه رفيعه من اتجاهين وعملت فصل بين العظم واللحم
عشان التتبيله تتدخل جواهم والفلفل الالوان خرمته بخله شيش
وجهزت التتبيله
١/٢ كوب كاتشب
٢ معلقه كبيره ورشستر صوص هاتلقوا صورته فالاخر ولو مش متوفر عادي
ملح وفلفل زعتر مجفف
ربع معلقه ص زنجبيل بودر وربع قرفه
١/٢ معلقه ص توم بودره ونص بابريكا
معلقه ص كركم ومعلقه ك عسل ابيض
ودي تعتبر طريقه صوص الباربكيو مع اختلاف بسيط
يعني لو عندكم صوص الباربكيو ضيفوا عليه زعتر وكركم واعملوا بيه
دي شكل التتبيله مش سايله وقوامها تقيل
قلبت عليهم الفراخ ومعاهم حطيت معلقه زيت ك
ونقعت فيهم الفراخ لمده ٤ ساعه ويفضل ٨ بس كنت مستعجل
وخرمت الفلفل وحطيت عليه جزء مالتتبيله
بقي ده لون وشكل الفراخ بعد النقع
- خدوا الجديد بقي فالطريقه
طريقه التعليق جبت شبكه الفرن وحطيت خله شيش طاووق خشب
من فوق عكس اتجاه الشبكه ومسكتها بايد
ومن تحت الشبكه بالايد التانيه بقيت اشك الدبابيس والخضار
فيها ودي حته تشغيل دماغ بالشوي بدون حراره مباشره
نفس فكره تسويه الاكل بالتدخين
كده الفراخ اتعلقت هيه والخضار بشغل الفرن قبل ما احطها
الاول بربع ساعه علي اعلي درجه
وباقي التتبيله احطها فصنيه اللي تحت الفراخ زي ما واضح ومعاها معلقتين زبده ولتر مياه
تحت الشكبه اللي معلق عليها الفراخ عشان احافظ علي الفرن
وعشان الفراخ تفضل نضره متنشفش مالحراره الصنيه هاتسخن والمياه
مع التتبيله هاتتبخرعلي الفراخ ولازم كل ربع ساعه
تتزود مياه لو المياه جفت وبفرشه بدهن الفراخ
واضح شكل المياه فالصنيه مع باقي التتبيله
مده التسويه كانت حوالي ساعه
ممكن تعملوا الفراخ فصنيه فالفرن بدون تعليق
او ممكن فالكيس الحراري
الهدف من البوست التغيير واني اوصلكم فكره جديده
وده كان الشكل النهائي بعد التسويه
طريقة عمل دبابيس الفراخ كنتاكى
قدمتها مع رز اصفر بالخضار
دبابيس الفراخ المشوية
الوصفه انا سميتها دبابيس شفاشيفو المُعلقه
