طريقة عمل السوسيس بالطماطم والفلفل
افتح يا عم تريند أنا لا أنا رايما ولا من ولاد أبو الوفا
ولا بتاع دعاية وإعلان أنا الكحيانه
النهاردة بقا وأنا زهقانه ومضايقه كده من شخص الله يسامحه
قلت قوم يابت يا بتاع الكيميا انتى دلعى كرشك
عملت بقا نقانق دجاج بس اي بقا طلع تحفة ابن تحفة أه والله
مش هشرح لأن طبعا الصور بتتكلم
- #تعديل
النقانق دي يا جماعة اللي هي سجق بالمصري (سوسيس)
بصلة واحدة كفاية علشان بعيط وانا بقطعه بيفكرني بحب زمان
طريقة عمل سوسيس اسكندراني
طريقة عمل السوسيس المقلي
سوسيس بيكيني
طريقة عمل السوسيس المحمر
سوسيس بالصلصة
طريقة عمل السوسيسبالطماطم والفلفل
طريقة عمل السوسيس زي المحلات
طريقة عمل السوسيس بالصلصه
دا بقا فلفل ألوان إخصر وأحمر وطبعا
فيه شطه تحت بس مخبيها علشان فيه ناس مش بتحب الحار
دي بقا طماطم بس هتلاقيها من غير القلب علشان باكله وانا بقطعها
قلت أصورهم مع بعض علشان الونس
وهوب نزلت بالبصل قصدي بصلة واحدة
ونزلت بالنقانق
وهنا نزلنا الفلفل
قلبنا طبعا علشان انا بحب التقليب كتير في الأكل
بهاراتك بقا
دي بهارات نوع تاني مش عارفه بتاع اي بالظبط بس ريحتها حلوه
أنصحكم تجيبوها
مش هتكلم لأني معدتش لاقي كلام أكتبه
بطاطس قبل التحمير
بطاطس بعد التصفير علشان مش بحبها ناشفة بحب الطري
دول بقا كانوا شوية خيار وجزر كانوا هيبوظوا علمت مياه بملح وخل
وعملتهم مخلل بس طلع حادق بزيادة للأسف
صورة قبل الأكل
وممفيش طبعا صور بعد الأكل علشان المظهر الحضاري والسياحة
