السلام عليكم
حبيت اشاركم حكايتى مع الممبار
طريقة عمل الممبار بالصور خطوة بخطوة
طبعا من زمان وانا متعوده إن مامتى اللى بتعملهولى وحتى بعد لما اتجوزت،وجوزى يحب ياكله اقول لمامتى تعملهولو
وبعدين ابنى بقا يطلب ياكله وقالى انا عايزك تعملهولى انتىيا ماما
فقولت اجرب واعملو بنفسي علشان الولاد واهى تبقى محاوله وطبعا مامتى قالتلى على تكاته
فعملتو حوالى ٤ مرات كان بيبقى حلو بس بينزل منه رز كتير فى السليق ومكنتش عارفه السبب
ولما سألت مامتى قالتلى وانتى بتحطيه فى ميه السلق لازم تمسكى الممبارايه من النص
وتنزلى الفتحتين اللى بيتحشى منهم فى الميه السخنه وهتلاقيهم قفلو وبعدين تسقطيه فى الميه
والحمد لله دى خامس مره وافضل مره اعملوا فى بيتى لجوزى وولادى
وربنا يخليكى يا مامتى وتسلملى نصاحيك
وربنا يزيح الغمه والحظر يتفك بقا ونعرف نعمل دايت
علشان كله بقا باظظ باظظ خالص
طريقة عمل الممبار المحشي بالأرز على أصوله
