السلام عليكم ورحمة الله وبركاته
الفطار كان محشى كوسه وفلفل وفراخ
وسلطة والعصير فراولة والحلو بسبوسة بتاعه امبارح
طريقة عمل المحشي المسبك
المقادير
فرخه مقطعه أربع تربع ومنزوعه الجلد
رز للمحشى
عصير طماطم تقيله
بهارات محشى وملح
زيت
سر المحشي اللذيذ
خضره محشى بقدونس وكسبره وشبت
بصل مبشور وثوم مفروم
وفلفل رومى وحامى مفرومين
رشه نعناع
كوسه وفلفل رومى
طماطم وخيار وجزر للسلطة
الطريقة
نجيب الفرخه ونغسله كويس ونشيل الجلد ونقطعه أربع تربع وبعدين نجيب حله فيه مايه
ونحطه على النار ولما تغلى تنزلى بقطع الفراخ ولما تغلى تشيلى الريم
من على الوش وتحطى طمطمايه وجزره وبصله مقطعه وورق لورا وزعتر وكبابه صينى
وقرنفل وزر ورد وحبهان مفصص وفص مستكه وملح ولما تستوى اطلعها واحطه فى سرفيس
واحط عليه الطماطم الى كانت فى الشوربه واشغل الشوايه واحط السرفيس لحد ما وشها يحمر نطلعه للتقديم
اما المحشى
نجمع الخلطه ناى فى ناى عصير طماطم وعليه بصل مبشور وجزر مبشور
وثوم مفروم وبهارات محشى وملح ورشه نعناع والفلفل المفروم والزيت والخضره
وبعدين الرز ونقلبه كويس ونكون مقورين الكوسه والفلفل وحطين رشه دوقه
خلطه المحشي الجباره
فى كل واحدة بتفرق فى الطعم وبعدين احشيه واحط عليه الشوربه واحطه على النار لحد ما يغلى اوطى عليه
لحد ما يستوى ويقدم ساخن مع الفراخ وسلطة وبالف هنا
اما تفريز الفراولة
نجيب الفراولة ونشيل العنقود ونغسله كذا مره علشان الرمل واصفيه واحطه فى أكياس على قد الطلب
وبحط عليه عسل نحل للتحليه واحطه فى الفرزر لرمضان
وكل عام وانتم بالف خير
طريقة عمل محشي الكوسا بالطريقة المصرية
