السلام عليكم يا (منتدى كنتوسه )الكرام
وحشتونى ..إيه رأيكم فى كفتتى (كفتة الحاتى)…
كفتة الحاتي فاطمة ابو حاتي
كفتة الحاتي نجلاء الشرشابي
طريقة عمل كفتة الحاتي بالنشا
طريقة عمل كفتة الحاتي للشيف حسن
طريقة عمل كفتة الحاتي للشيف علاء
الصور تتحدث عن نفسها …والريحة مش قادرة أقولكم ……
مين حيقولى شاطرة يا (عسل )
المقادير :
كيلو لحمة مفرومة بها نسبة من الدهن(يفضل مفرومة وشين علشان تبقى ناعمة )
بصلة متوسطة مفرومة _بيضة _ ٣معالق كبار دقيق _معلقة كبيرة دبس رومان _
ملح _فلفل اسود _بهارات كفتة (من عند العطار )_معلقة خل _نصف معلقة سكر _كيس بيكنج بودر
الطريقة :
حنسيب اللحمة على جنب شوية ….
ونضيف كل المكونات اللى عندى على بعضها وندعكها كويس لغاية لما كل حاجة تختلط وتتجانس ….
نضيف بقى اللحمة ونعجن كويس قوى …
حنحضر صينية مدهونة زيت خفيف …
ويكون معانا طبق فيه شوية ماية من الحنفية وعليها معلقتين زيت ونصف معلقة سكر ….
ونبدأ نصبع الكفتة على سيخ ونساويها على السيخ( بإيدينا المبللة بالماء اللى فى الطبق )
وبعدين نسحب الكفتة بالراحة ونرص فى الصينية لغاية لما نخلص نسيبها فى التلاجة
ونسويها قبل ميعاد الغداء بنصف ساعة فقط
حندخلها الفرن على الشبكة على درجة حرارة (٢٣٠)بتاخد حوالى( ٢٥:٣٠ )
ونخرجها وممكن نحطها فى حلة ونضيف فحمة ونطفيها بنقطة زيت للحصول على ريحة الشوى
حنلاحظ:
_الطريقة دى مش بحتاج اصفى البصل وأخد التفل بس
_الدقيق بيمتص أى سوائل فى الكفتة ومع البيكنج بودر بتكون الكفتة (جوسى)ومش بتكش خالص …
_ودرجة الحرارة العالية بتسوى الكفتة بسرعة من غير ماتنشف ومش بتدى فرصة ان ينزل من الكفتة أى سوائل
(أنا عملتها بلحمة مفرومة وش واحد )….يارب تعجبكم ..
والف هنا وشفا ..جربوها …(وما توفيقى إلا بالله )
