بسم الله والصلاة والسلام على رسول الله
وسع كده وصلي على النبي في قلبك
وجمعه مباركة عليكم ومن السعودية الى عالمك
وتحية كبيرة وخاصة من القلب للقلب لأخواتنا وحبايبا العزاب المغتربين المحظورين المحبوسين في البيوت
ان شاء الله ازمة وتعدي بحق هذه الأيام المفترجه
ندخل بقى في يوم الجمعه ٨ رمضان والشغل العالي اوى من مطبخ عالمك
المنيو
واللمسات والحركات
١- كفته داوود باشا على طريقتنا الخاصة
٢- مكرونه مقصوصه صوص الطماطم
٣- مكس سلاط
ومننساش القهوة والتمر والقشطة مع الأذان كده
دلة القهوة مع التمر والقشطة = عشق لا ينتهي
الطريقة
١- كيلو لحمة مفرومه و ٤ بصلات مقطعين صغير ٥ فصوص توم
وتوابل لحمة وملح وفلفل وتوابل كفته ونخلطهم كويس اوى وندخلهم التلاجه تشد شويه
بطاطس شرائح رفيعه جدا وتبلناها بالملح والفلفل وسنه ثوم
وعملناها ارضيه في البايركس طلعنا الكفته وكورنا وظبطنا ودلعنا بالزبدة
ورصينا ودخلنا الفرن
٢- مكرونه مسلوقه
٣- صلصلة الطماطم زبدة وثوم وعصير طماطم وتوابلك الجميله وتسبيكة بسيطه علشان الصيام
٤- مكس سلاط
طماطم وخيار وبصل وزيتون ونخلطهم مع بعض مع الليمون وزيت الزيتون والتوابل اللولبيه
وبالهناء والشفاء على قلوبكم
رمضان كريم
اسيبكم مع الصور فى كل مرحلة من مراحل ما قبل واثناء وبعد المعركة
