رابطه عشاق الكوبيبه الغمراوي

قرص الكوبيبه بيحتوي علي 3 اهم اصناف ع السفره
عباره عن زر وخضار ولحمه واخدين علقه سخنه ف هون نحاس مع شويه التوابل اللذاذ وهوب تتقطع
وتتعمل اقراص وتتسلق وممكن تتاكل بعد تتسلق بارده او سخنه وياسلام بقي لو اتحمرت
ف نزلت ف طبق بيض مضورب بالفلفل الاسود وهوب تش ف الزيت تتحمر..
تاكل بعدها احلي قرص كوبيبه ع الكوكب
للعلم مافيش حد يقدر يعملها زي اهل ميت غمر ما بيعملوها

صبعيها بزيت بلى ايدك زيت وكوريها الاول وبعدين بططيها اقراص كده وتساوى حروفها من الجناب
وطريقه السلق هتكون الشوربه بتغلى فراخ او بط لو رحمه وتكونى ضربه شويه طماطم فى الخلاط
نص شفشق او ااقل وحطيهم على الشوربه ونزلى الاقراص توزيعهم كده بالتساوى وبعد ربع ساعه وطى عليها خالص
وسبييها ساعه مع نفسها تستوى

بتجيبى نص كيلو رحمه مفرومه وتضربيها فى الكبه مع رشه ملح وربع كوبايه مايه وكوربوناتو
تفضلى تضربيها لحد ما تلاقى اللحمه بتلزق فى ايدك عشان تتاكدى انها جابت عرق كويس
وتضربيها مع خمس فصوص توم وتخرجيها على طبق لوحدها وبعدين تضربى فى الكبه خضار شبت وكزبره
مع بصلتين متوسطين تنعميهم وبعدين الرز يتغسل ويتصفى كويس ويضرب لوحده
فى طبق كبير بقى قلبيهم كلهم مع بعض بايدك لحد ماتخلى الرز يختلط باللحمه كويس جدا
مع ملح وفلفل اسود وبهارات لحمه وكمون وارجعى اضربيهم تانى فى الكبه عشان متفكش منك وانتى بتسلقيها

التجهيزات ..

بصل .توم.خضرة شبت وكسبرة .نص كيلو لحمه .تلت ارباع رز .وكمون وفلفل اسمر وملح .

الطريقة ..

تفرمي الللحمه كويس جدا وتشيلي منها أي عروق لأنها بتفكها
تطحني الرز بعد ماتغسليه وتفرديه علي قماشه وتحطيه في الشمس عشان يطحن معاكي كويس
وبعد ماتفرمي اللحمه والرز بتنعمي البصل معاهم والتوم كله في الكبه عشان يختلط مع بعضه
وحطي توابلك وظبطي ملحك هتلاقيها متماسكه صبعيها الاول كميه بسيطه وجربي تكوني حاطه شوربه بصلصه طماطم عالنار واول ما تغلي جربي تحطي صباعين مسكوا وتمام كملي للآخر …المهم في كل الحوار تكون