فتة شاورما لحمة
المقادير و التتبيلة
1/2 كيلو لحمة شرايح رفيعه يتم نقعها ساعتين فى التتبيله الاتيه :::
3 معالق خل كبار + معلقتين زبادى كبار + ملح وفلفل أسود و كمون و بهارات شاورما + معلقه صغيرة البهارات السبعة .
الطريقة
1 – نحط طاسه كبيره او حله على النار فيها شويه زيت دره و نسخنهم كويس
2 – لما الزيت يسخن ننزل بشرايح اللحمه ونقلب على فترات لمدة من 10 الى 15 دقيقه .
3 – لما اللحمه تستوى هننزل فوقها بالبصل اللى متقطع جوليان و نقلب كويس
4 – هننزل بالفلفل الالوان ونقلب كويس وبعين اخر حاجه ننزل بالطماطم .
5 – نطفى عليها النار ونغطيها و نركنها على جنب .
طريقة الارز البسمتى
1 – 4 كوبايات مايه نحطهم فى حلة على النار لغايه لما يغلوا .
2 – لما المايه تغلى نحط معلقه سمنة كبيره + معلقة كركم صغيره + معلقه كارى صغيره +
5 فصوص حبهان صحيح + عدد 2 ليمون اسود ناشف + عودين قرقه عيدان + معلقه قرنفل صغيره +
ملح وفلفل اسود وكمون و نقلبهم
3 – ننزل ب عدد 2 كوب ارز بسمتى مغسول و متصفى و نقلبهم كلهم كويس ونغطى على الرز
و النار هاديه شمعه لغايه الرز مايتشرب المايه ويستوى .
التزويق و الجرنش بتاع السرفيس
هننزل بالرز فى سرفيس و نحط فوقه الشاورمه و العيش المتحمص
و نرش شوية طحينه على الوش
فتة شاورما اللحم فاطمه ابو حاتي
فتة شاورما اللحم منال العالم
فتة شاورما اللحم سالي فؤاد
طريقة عمل فتة الشاورما اللحم بالزبادي
فتة شاورما اللحم فتكات
فتة شاورما سوري
