مشروب البوظة المصرية بالطريقة الأصلية بدون عيش،طريقة عمل مشروب البوظة المصرية بالخميرة
المشروب البرئ ده اسمه بوظه
أنا هقولكم الطريقة يا جماعة شفت واحدة شرقاوية بتعملها
وعملتها وطلعت حلوة جدا وعجبت زوج أختي لانه شرقاوي ..
- الطريقة :
٤كوب ماء +نصف كوب دقيق+كوب سكر
ويخلطوا جيدا حتي الذوبان ويوضعوا علي النار مع التقليب المستمر بالمضرب السلك
لحد ما تبقي زي الباشميل سميكة شوية وتنزل من علي النار
وتتساب تبرد وفي الوقت ده بتجيبو شوية ميه دافية
زي دمع العين كده حوالي ربع كوباية او اقل وتحطوا فيها شوية سكر
حوالي معلقة شاي صغيرة وملعقة خميرة فورية بنفس معلقة الشاي
او خميرة بيرة بتاعه الفرن ويتقلبوا كويس ويتغطوا هتلاحظي انها بتخمر وبترتفع لفوق ..
وبعدما الخميرة تخمر والخليط السابق يكون برد تجيبي الخلاط وتحطي الخليط
ومقدار الخميرة اللي خمرتيه وتحطي عليهم كيس فانيليا وتشغلي الخلاط عليهم
مرتين كده وتغطي الخلاط وتسيبيه شويه هتلاحظي
ان الخليط بيرتفع لحد ما يوصل لحد الغطا وبعدين تفضيه في كوبايات
او اكياس زي ما تحبي وتحطيه في الثلاجة علشان يسقع ويوقف التخمير وبألف هنا
أحلي بوظة بس ميقعدش اكتر من يوم علشان ميتحولش لمسكر