تمارين رياضية بالصور
حضري timer الموبايل جمبك عشان تبدأي تمرينات بسيطة كدة
هنقولك عليها تحركلك جسمك و تحافظي على صحتك بيها،
إدخلي علي كل صورة بالترتيب عشان تعرفي كل تمرينة
أول تمرين هو الjumping jacks هو إنك بتنطي في مكانك مع فتح رجليكي
و دراعاتك مع بعض و بتعمليه لمدة ٣٠ ثانية.
تمارين رياضية للمبتدئين تحركلك جسمك
تاني تمرين هو الbutt kicks و ده عبارة عن إنك بتجري في مكانك
بس كعب رجليكي يلمس أسفل ظهرك لمدة ٣٠ ثانية.
تالت تمرين هو ال crunches و ده إنك بتنامي علي الأرض
و تتني ركبتك و تبدأي تطلعي بضهرك مش براسك عشان غلط، و تنزلي لمدة ٣٠ ثانية.
رابع تمرين هو الlunges و ده عبارة عن إنك بتتني ركبتك قدامك
و ركبتك اللي ورا تلمس الأرض و تغيري كل رجل مرة لمدة ٣٠ ثانية.
خامس تمرين هي ال squats أهم حاجة و إنتي بتعمليها تتأكدي إن ضهرك مفرود و إنتي بتنزلي لمدة ٣٠ ثانية.
آخر تمرين هو الplanks و ده إنك بتسندي جسمك علي كوعك و مشط رجليكي
و ركبتك و جسمك كله يكون مفرود لمدة ٣٠ ثانية.
