طريقه عمل الكرواسون بالخطوات مصوره
المكونات
٣كوب دقيق .. كوب لبن دافىء .. تلت كوب زيت ..
ملعقتين كبار سكر .. ملعقه خميره كبيره.. ملعقه كبيره بيكنج بودر .. رشه ملح ..
ملعقه قرفه ودا اختياري
للحشو
نيوتلا او شوكولاته
الطريقة
هنضيف كل المكونات مع بعض و نعجنهم كويس اوووي
لحد ما نحصل على عجينه ملساء مخدومه كويس
هنده بوله بزيت بسيط علشان نحط فيها العجين
نلف العجين ف الزيت هيبقى بالشكل الجميل دا
نغطي العجين ونسيبه يرتاح ويخمر لمده ساعه
ندهن الرخامه بتاعتنا زيت بالفرشه كل مره هنفرد فيها العجين بدل الدقيق
علشان يطلع معانا مورق
ونقسم العجين بتاعنا
ونكوره بالشكل دا ونسيبه على جمب علشان يبقى سهل فى الفرد
نفرد اول كوره عجين بالشكل دا
ونقسمها لمثلثات حسب الحجم اللى عيزيته
لو هنعمل ميني كرواسون هيكون المثلث صغير بس طويل..
لو هنعمل كرواسون كبيير هنكبر قاعده المثلث ونطوله
نحط الشوكولا او النوتيلا بالشكل دا
ونلفها بالشكل دا بس نتأكد ان العجين من الطرفين مقفول
على الشوكولاته علشان متخرجش
نمط العجين شويه علشان ناخد اكبر عدد لفات ويكون مورق اكتر
علشان نوصل للشكل الجميل دا بعدد اللفات الكتير دي
نحطه فى صينيه يخمر نص ساعه او اقل وتدهن وشه لبن مذاب فيه نسكافيه ورشه سكر
ممكن كمان نقلب زبده مع السكر و القرفه ونحشى بيه الكرواسون بالشكل دا
وممكن نحشيه عجوه بتكون حلوه اووي برده
انا بحب ادخل القرفه فى المعجنات الشتوي علشان بتدي طااقه وبتدفي اكتر
هيكون معانا الشكل الخطيير دا
تدخل فرن سخن للحصول على اللون الذهبي الجميل
ويكون لونها من تحت ذهبي بالشكل دا
وتقدم
متنسوش تقولولى رايكم واللى جربها يقولى ايه النتيحه
