ف غلاء الاسعار والى لسا هيزيد
استبدلتى ايه غالى ب حاجه ارخص
وطلعت نفس جودتها
بلاش اعلانات بالله عليكم
عشان يكون بوست مفيد للجميع
وربنا يحنن علينا وعليكم

اهم حاجة الصدقه

وذكر الله والصلاة على اشرف خلق الله عليه افضل الصلاه والسلام
_______________________________________

اهم حاجه طلعى صدقه حتا لو 10 جنيه من ضمن المصريف والله يضاعف لمن يشاء
_________________________
بجيب الفرخه اقطعها اطلع منها الصدر بانيه والوراك علي اربع افراد والرقبه والكبده والاجنحه،في طبخه لوحدها صنيه بطاطس تاني يوم الشربه عليها ملوخيه
____________________________

مع احترامي للجميع
ياريت الاكل بايت ترموه تحت باسكت الزباله في الشارع للقطط و الكلاب حرفيا مبيلاقوش اكل غير كل فين وفين وخاصه في الغلاء ده لعلها صدقه بغرض رفع الغلاء و الوباء
_________________________

ولا حاجه.بس قللت كميه اللحوم
___________________
هى حاجات كتير بدلته زى مكرونه كنت بستعمل حوا بدلت بسيبه من العطار بقيت اقلل استعمال الزيت والسمنه يعني السمك والبانيه بعمله مشوي وبستعملش قلى غير بطاطس وطعميه كل فين وفين وسمنه قللته ف الاكل او اعمل الاكل ناى ف نانى علشان محدش سمنه وقالت استخدام الارز والمكرونه و بعمل الاكل ع قد علشان مفيش حاجه تترمى ولو اتبقى فول من الفطار بشيله وتانى يوم بسخنه الاول كنت برميه دلوقتى اى اكل يتبقى بشيله ف الفريز أو بعمله أعدت تدوير وربنا يوسع ارزقنا جميعا ويديم علينا نعمة الستر واهم حاجه بعمله هى الذكر وانا بعمل الاكل بيزيده بركه
________________________________

بدلت الصابون السايل لغسيل الاطباق

بالتركيبه اللي ب 12 جنيه بتعمل 8 لتر صابون
عملتيها ازي

بتبقي كيسين كيس معجون وكيس بودره بتخلتطيهم مع بعض
وبعد كده بنضيف ظ¨ لتر مياه بالتدريج مع التقليب المستمر ويفضل تخليهم ظ§.ظ¥ لتر عشان القوام ميبقاش خفيف وبعد متخلطيهم كويس هتلاقي الخليط خيفيف شويه متخافيش تسيبي الخليط نص ساعة او ساعه هتلاقيه تقيل وتحفه وخلاص كده تعبيه في جركن
___________________________

مش كل حاجه غاليه نبدلها بارخص وخلاص لازم نهتم بصحتنا واحنا بنبدل

يعنى ما نبدلش السمن البلدى بسمن نباتى مهدرج او جبنه طبيعى بنوع مصنع لان ال هانوفره هايتصرف على ادويه لعلاج
ما أفسده الأرخص
الافضل الاقتصاد نعمل كميات قليله
وربنا يجبر بخاطرنا جميعا
_______________________________________

انا استبدلت صابون المواعين 40ج
والسلك10ج

بفوطة المواعين بايونات الفضة

لمنع تكون البكتيريا 60ج بالمية بس بتقعد سنتين
اوفر وصحة اكتر
بصي دي طرق التعامل معاها
ف غلاء الاسعار استبدلتى ايه غالى ب حاجه ارخص وطلعت نفس جودتها
_____________________________
بشترى الحاجة الضرورية بس
والغالى يفضل للشركة على الرف زى ماهو
________________________________

قللت كميات الحاجه يعني الرز بعمله على الاد بالظبط
عشان مايترميش حاجه والغسيل بقيت احط المسحوق بالمعيار مش بالكومه
____________________________________

عدم الإسراف والتدبير أهم شيء وبلاش رمي أكل هو دا البركة بعينها
_____________________________________

اللبن المعلب بالحليب

احوش قشطة واعمل احلي سمنة بلدي
اول ما باخد المصروف اول حاجة بطلع صدقة
والحمد لله ربنا بيبارك
_____________________________

المسحوق بدلت اريال بابهى رخيص وبينظف وبقيت اجمع الغسيل
دورة ابيض دورة الوان بس يكون كل اربع ايام عشان أوفر والنور
مش لازم كل الشقه يبقى منور ربنا يعدى الايام دى بالستر
__________________________________

بقيت بشتري ع قد احتياجي الاسبوعي بدلا من كنت بخزن الحاجه بالشهر واكتر
__________________________________

استبدلت جبنه نستو بريزدون ب طعمه والبرل ب تركيبه البرل السايل 10 لتر
وبعمل اكل على الاقد يعنى الرز والمكرونه بالمقدار علشان ميفضلش
ويترمى وبخفف ايدى وانا بستعمل السمنه او الزيت والعيش الى يتبقى
من اكل انهارده بشيله على طول فى الثلاجه او الفريزر علشان ميبوظش
يعنى الواحد يخلى قلبه على الحاجه مش يبزر فيها
__________________________________

اوكسى الاوتوماتيك باوكسى العادى

وبحط نص الكميه عشان الرغوه
اعصري ليمونه عليه هيبقي اتوماتيك مش هيعمل رغوه كتير
________________________________________

المنظفات السايبة من العطار بتوفر كتير زي الصابون السايل والكلور والداوني …
ممكن يكونوا أقل في الكفاءة بس فرق السعر مُرضي جدا
_________________________________

وحاجه كمان ممكن تستبدلي اللحمه المفرومه بالقوانص

اديها سلقه وبعدين افرميها.
في الكبه. واعمليها عصاج ممكن تستعمليه في كل حاجه مكان اللحمه وارخص
وانضف واضمن علي الاقل من اللحمه المستورده
بعملها علطول علشان متوفره عندي كتير من الطيور بتاعتنا في البيت
بس جربي افرميها من غير سلق في الكبه جهزي البصل وعصجي زي الحمه
بظبط بس حطي فصين توم وفصين حبهان علشان متبقاش زفره
______________________________________

كنت بجيب برسيل وكان الكيس بيخلص بسرعه وفرت وجبت ليدر كيلو ممتاز
ورخيص وبيقعد كتير اه مش بيبقى ريحته فواحه لكن بينضف جدا وبيخلي الغسيل
زي الفل
__________________________________________
السمنه البلدى بزبده فيرن اوفر وكمان اللحمه ممكن مره كل شهر
وممكن فراخ مره ف الاسبوع الفاكه بجيب ع القد وممكن كيلو من حجتين
بس يعنى البانيه غالى بجيب بداله كبد وبحاول اوفر على قد مااقدر
_____________________________
بعمل اكل على الاد
بدل الصابون بريل بجيب من عند بتاع المنظفات صابون عادي
وبحط عليه كيس بريل بيبقي زي صابون بريل اوي
بعمل كل الأكل ف البيت مش بنطلب اكل من برا
لما يتبقي رز بسيبه للاولاد بيبقي حلو رز بشوربة
الحمد لله أنا من أعداء الناس اللي بتحط زيت وسمنه كتير ف الاكل
قللو الزيت والسمنه عشان الكوليسترول ف الدم
وفرى ف النور متشغليش حاجات كتير في وقت واحد عشان انا عداد كارت
مسحوق الغسيل بجيب اوكسي ونص كيلو مسحوق من العادي وبخلطهم علي بعض
بصي بعمل مثلا مكرونة بالبشاميل بدل لحمه مفرمة بالكبد والقوانص جميلة والله
بدايل اللحوم بيض ولبن كتري منهم وقللي اللحوم
مترميش عيش اللي يتبقي حمصيه
اهم حاجة اذكري اسم الله وانتي بتطبخي الأكل هيكون في بركه وهيكون حلو
_______________________________

استبدلت اسبريد حلاوه بزبده فول السوداني لأنها وصلت100 ج
بستبدل المايونيز بالزبادي ويعطي نفس النتيجه بس لان احيانا بنسي اشتري مايونيز
مش اسعار وحاجات كتير تقدري تعمليها
قطه زيزو اعمليهم في البيت .زبده الفول هاتي فول مقشرنوع كويس
وحمصيه لمايلون مش يتحرق وهو سخن جدا لازم اطحنيه في الخلاط
أو الكبة وممكن معه حبة بندق برضو مقشر وسخن وادهني الكبة أو الخلاط
زيت الأول علشان مايلزقش والمايونيز برضو سهل موجود عالنت أعملي نشا
بالميه عالنار لما يبقى عجينة تخينه قوي وسيبه يبرد فيالتلاجه
خالص وبرضو في الخلاط المدهون زودي شوية خل وسرسوب زيت اضربي
لما توصلي للقوام وذرة ملح برضو للإتنين وفي بيتعمل بالبيض
عالنت بس مش بحبه وادعيلي بصلاح الحال وربنا يفرج كربي ويسر أمري
عجلا غير آجل ولكي بالمثل
_______________________

بقيت اجيب الصابون الاسود واسيحه بيوفر البريل

وبيخلي الالمونيم روووووعه
زي الصابون الابيض اللي هو اسمه صابون غسيل او صابون بلدي
بس لونه اسمر او بني
بجيبه ابشره او اقطعه بالسكينه
واحط عليه ميه زي مثلا لتر مياه في صفيحه سمنه اللي هي 2 كيلو
واسيبه يغلي علي النار هادئه خالص لما يفك كله تطفي عليه وسبيه يبرد
بيرجع بقا متماسك تاني وتغسلي بيه بيبقا روعه
____________________________________

البامبرز غيرت بقيت اجيب برافو أرخص وكويس بردو
___________________________________

قللت الكميات ولكن احتفظت بنفس جودة المشتريات يعني بدل
مطبخ بكيلو لحمه اطبخ بنص كيلو لكن بنفس النوع والجوده
_________________________________
باعمل كميات على الاد علشان مافيش حاجة تترمي بطلت اشتري الكاتشاب والمايونيز
بقيت بأعملهم في البيت سلطة الطحينة بقيت بأعملها بالعيش الشامي
او الفينو مع الطحينة بتوفر في كمية الطحينة وفي نفس الوقت نفس
طعم بتاعة المحلات، التونة بقى لي سنين مش بأشتريها وباعملها
في البيت بسمك الماكريل الدرجة الاولى بيبقى تحفة، المسحوق للغسالة الاتوماتيك
بقيت بأشتري النص اتوماتيك والنص عادي واخلطهم
ببعض واقلل كمية المسحوق عن الكمية العادية في الغسالة علشان الرغوة ما تزيدش
________________________________

بما اني مقاطعة التونة بقى لي كتيير ما باعدش وخاصة

بعد ما شوفت اللي نزلته دكتورة شيرين فى علب تونة معروفة المهم
اني بقيت باعملها فى البيت واليكم الوصفة:
كيلو ماكريل اسباني درجة اولى عمل سمكتين جبته النهاردة ب30ج
وهو فى الطعم احلى من سمكة التونة اللي موجودة فى الاسواق المصرية
لانها زفرة اوي ولحمها غامق ومليانة دم انما الماكريل الدرجة الاولى زفارته
اقل ولحمه ابيض
هتقطعي الراس وتفتحي بطنه تنضفيها وتقطعيه جزل وتنقعيها فى مية وملح ولمون
وخل ومعلقة كبيرة طحينة ايوا طحينة والله يجزيهم كل خير اللي قالوا
لي على موضوع الطحينة ده فى التخلص من الزفارة رهيبة فعلا حطي حبة
علي ايدك وادعكيها كويس بيها واشطفيها ومش هتلاقي ريحة اي سمك فى ايدك .
اغلي مية على النار ونزلي فيها لمونتين انصاص وبهارات صحيحة
(فلفل اسود،كمون،كزبرة ناشفة،حبهان،ورق لوري) اربع فصوص توم،
بصلاية وسط او اتنين صغيرين،جزراية وسط او اتنين صغيرين،
شوية كزبرة خضرا وبقدونس وشبت واربطيهم باستك ملابس
(اصل الوصفة يتحط فيها كرفس وبصل اخضر بس الجيش قالك اتصرف باللي معاك).
بعدين ننزل جزل السمك ومعلقة كبيرة ملح ونشيل الريم ونهدي عليها لمدة ساعة تستوي ونشيلها من المية فى طبق تبرد بعدين نقشرها وننضفها ونفصصها ونحطها فى برطمان نضيف البرطمان اللي فى الصورة سعة كيلو ونص والسمكتين
عملوا تلتينه بعدين نحط تلتين البرطمان مية سلق السمك متصفية
ونملى بقية البرطمان بزيت ونحط معلقة خل
جربوها وهتعجبكم جدا واي استفسار انا تحت امركم
تعديل: حبيباتي فى اكتر من طريقة لعمل التونة فى البيت واكيد طبعا
مافيش اكل بيجتمع الناس على طريقتها كل ست بيت شاطرة ليها تريكتها الخاصة
علشان تطلع اخلى اكل من تحت ايديها بالنسبة للتونة فى البيت فى طريقة البخار
انك تحطي السمك فى مصفاة فوق الحلة اللي فيها المنكهات بتاعتنا
وتستوي على نار هادية ودي الطريقة الاكثر صحية وفى طريقة السلق اللي انا منزلاها
ودي نفسها فيها اختلافات زي الطرق اللي فى التعليقات تحت وكلها طرق ممتازة
كل واحدة تختار اللي ترتاح لتجربتها وتناسب ذوقها فى الاكل وفى طريقة الشوي
فى الفرن وبرضه هيتشوي من غير اي اضافات وتكتفي بنقع اللحم المفصص
فى مية وخل وملح ولمون وزيت وحفظها فى التلاجة
______________________________________________
بجيب الفراخ اللي بتكبر في 45 يوم وفرت معايا جدا
بقيت اعمل بانيه كتير جدا و بعمل حمام كداب و بشوي منهم و بنسلق عادي
لما نحب ناكل فراخ مسلوقه و متحمره بندبح علي 40 او 45 يوم لو عاوزه اطلع بانيه
و حمام كداب بسبهم لما يتمو 60 يوم الصدر الواحد بيعمل كيلو وربع الصدرين
اللي جنب بعض بيعملو من اتنين كيلو ونص لي 3 كيلو الا ربع واوقات بتوصل
لي 3 كيلو ما شاء الله و بنوفر حق البانيه و الوراك بنعمل حمام كداب
او بنعملو زي ورك الرومي وموفر كتير بصراحه متعب في تنضيف
لان ماما بتنضف في بيت بس موفر و بناكل حاجه نضيفه
______________________________________
متجيبوش حاجة كتيرة للشهر الا حاجات الخزين
هاتوا الخضار والفاكهة على قد يومين تلاتة الفاقد هيبقى اقل بكتير
_______________________________
ما باستخدمش طماطم كتير يعني بعمل البسلة من غير طماطم زي الفنادق
والمكرونة الازبكتي بسلقها واشوح بصلة واحط كركم وبصل بودر وملح وفلفل اسود
وحبهان واقلب المكرونة فيها او اعملها زي الاندومي بعمل التوم البودر
في البيت بحاول اعمل اكل المطاعم في البيت زي الكنتاكي الماندي الاستربس
والفراخ ممكن اخلي فرخة واعمل منها صنفين اكل
_____________________________________________
بلي بواقي العيش واعصريها وافرميها مع اللحمة لما تعملي كفته
وممكن تفرمي معاها برغل أو شوفان منقوع ومعصور أنا بضيف الربع تقرينا
شوفان وعيش مع بعض بترمي كتير وتطلع طرية
___________________________________
قللوا في الاكل صحيا افضل كتييير و هتلاقوا نفسكوا مش بتجوعوا اصلا..
العيش و الارز و المكرونة و السكر و الدقيق..كل ما تاكلوا منهم الجسم بيحتاج منهم
اكتر و بيجوع لو قللتوهم خالص مش هتجوعوا اصلا…
زي ماتقولوا كده النشويات و السكريات بينشطوا المعدة تقريبا..
و المشكلة في مصر ان اغلب الاكل مضر جداا..
الدقيق و السكر و الملح..سموم بيضا
________________________________________
جبنة مثلثات ابو الولد بدل لافشكيرى وطعمها حلو جدا نفس الافشكيرى وارخص
اللبن البلدى بدل المبستر وبعمل من القشطة السمنة البلدة تحفة جدا
العصائر الطبيعية من الفاكهة بدل المعلبة وبدل المياة الغازية
قللت مكرونة ورز واعتمدت اكتر ع الخضار والسلطة
قالت حلويات لبنتى وبقيت اعمل شيبسى فالبيت اوفشار او جيلى
_________________________________________
لو رز بايت وحسيتي ريحته بايته كده حطيله سنسون ميه
وعلى نار شمعة زي تسوية الفول المدمس سيبيه لما قعره يتحمص
خفيف هتلاقي ريحته وقوامه زي لسه عانلاه النهارده
________________________________________
الطاطس القلية قطعيها ورشي عليها ملح شوية حلوين وخليها تنزل مايتها
والبتنجان المقلي برضو واحسن تقطعيه بالطول شرايح مش مدور وبعدين
اغسليهموكويس بالميه وممكنتغيري ميه تاني وتسيبيهم فيها شويه ينزلو الملح
مش هيشربو زيت خالص نهائي وماتسيبيش الطاسة فاضية وانتي بتحمري تشيلي
وتحطي تاني على طول علشان الزيت مش يتحرق ويسود مهما قليتي كميه هيفضل كويس
_________________________________
اي حاجه جاهزة بقيت اعملها في البيت فراخ مشويه سمك مشوي برجر
بانيه اطياب بيتزا سمنه بلدي شرايح شوفان بلوبيف مع انى بقيت اعمل الكميه
علي الاد او لو اتبقي كيس وفي الفريزر وكل مجمع كذا اكله اطلعهم
مع بعض وبتبقي تشكيله حلوة
____________________________________
*مكرونة الملكة او ستار بدل ريجينا
بس للاسف مش نفس الجودة طبعا
*مسحوق باهى بدل برسيل و اوكسى
*جبنة قريش و مش بشكل منهم انواع كتير بدل معظم انواع الجبن
*زيت الاصيل بدل كريستال و عافية
*باعمل لانشون فى البيت بدل الجاهز و انضف منه