لو محتاره تعملى غدا إيه تعالى نعمل غدا إقتصادى وسهل التحضير
بما اني معملتش غدا انهرده عشان كان عندي اكل من امبارح وهسخنه في الفرن
فقولت يابت وانتي فاضيه وكدا كدا هتولعي الفرن
فعملي حاجه حلوه ميكنش اكل بايت وكمان مفيش حاجه حلوه
ام علي
حلوه اوي وسهله جدا جبت علبتين ام علي ووزعتهم في الطواجن الفخار
دي وغليت اللبن وحليته بالسكر وحطيت رشة فانليا
وسقيت الطواجن وعلي الوش حطيت قشطه وجوز الهند وعلي الفرن حلوه اوي وسهله
قولت الفرن سخن وعندي نشاط وكدهون
فعملت الكيكه طريقة الكيك دي سهله اوي ومضمون نجاحها اول مره اجربها
كانت واحده منزلاها امبارح هنا في الجروب
في الخلاط حطيت كوباية سكر وتلات بيض وفانليا ونث كوب زيت
ومعلقة خل وفانليا وضربتهم ضرب مبرح
حطيت في بوله كوب دقيق وكوب نشا وعليهم ذرة ملح وباكت شيف كيك بيكنج بودر
وعلي الفرن للتعذيب
بس كدا بكرا نعمل كيكه بطريقه تانيه احنا ورانا حاجه غير الكيكه والافتكاسات
