أطباق رئيسية

مكرونة بشاميل إسعاد يونس،مكرونة وايت صوص بابيض،مكرونة وايت صوص فاطمة ابو حاتي

طبق اليوم بناءا علي طلب ابني
عايز ال ايه شغل فنادق ويابني شغل الفنادق
ده بيبقي ازاي قالي امبارح صاحبه السعاده عملت مكرونه باشا مصر

يقصد مكرونه وايت المهم قولت ده طفل والاطفال احباب الله نعملهاله وامرنا لله
عملت ايه بقي طبق مكون من سوتيه وبانيه ومكرونه وايت صوص بالمشروم والموتزريلا

المكونات :نص بانيه

معلقه مسطرده
معلقه توم مفروم
كبايه زبادي
ملح فلفل كمون سماق
دي تتبيله البانيه اللي بعملها لما اكون مستعجله وبنجز يعني
المكرونه بقي:كيس مكرونه مسلوقه
مشروم متقطع بس للاسف ملقتش فريش جبت معلبات
معلقه توم مفروم
علبه كريمه طهي
٢معلقه دقيق
كبايه لبن
واكيد زيت
موتزريلا بقي لزوم الهيييح
ملح وفلفل وبس

الطريقه :

هنحط ف طاسه معلقتين زيت عليهم معلقه التوم يتحمر نحط الماشروم وبعدين معلقتين الدقيق
يدوب يغيرو لونهم نحط كبايه اللبن تغلي كده وتبدا تتقل نحط الكريمه والملح والفلفل
وبس واخيرا بقي الموتزريلا والمكرونه اللي سلقناها احلي واسهل مكرونه وايت صوص
اما بنسبه للسوتيه :حطيت حله مايه تغلي وحطيت فيها حبهان وورق لوري تغلي حطيت مصفي فوقيها
ونزلت بالحجات القاسيه شويه ف السوا زي الجزر طبعا ثم الفاصوليا شويه بداو يستو حطيت الكوسه
والمشروم وبصله صحيحه تعمل نكهه مش كتر لما استوي نقلت ف طبق مايه بتلج ونص لمونه
عشان يحتفظوا بلونهم وبعدين خدتهم بقي في طاسه حطيت الخضار ثم معلقه زيت ومعلقه توم صغننه اوي
وملح وفلفل وزعتر مجفف خدو تشويحه وخلاص كده
بنسبه للبانيه :
بعد التتبيله اللي قولتها فوق دي حطيتو ف بقسماط ناعم وقليتو ف زيت وبس كده
ومحطتش بيض وبالهنا طبق شيك وامور وعلي رأي ابني شغل فنادق
يارب يعجبكوا

صاحبة السعادة في المطبخ
مكرونة وايت صوص بالفراخ
مكرونة بالوايت صوص
مكرونة بالوايت صوص والموزاريلا
مكرونة وايت صوص مروة الشافعي
مكرونة وايت صوص بالجمبري
مكرونة وايت صوص بالسجق

yasmen

كما شهرزاد.. حكت لتُبقي نفسها على قيد الحياة، أكتبُ لأبقِى نفسي على قيد الحياة. إنّني مع كلّ نصٍّ أكتبه أكتشف حقيقة أخرى مخبأة في داخلي.
زر الذهاب إلى الأعلى