كلام واقعي عن الناس
كل بيت مقفول علي أهله، كل قلب بتشوفه من برة بيضحك ومبسوط وحاسس
إنه أحسن منك هتلاقيه شايل حمل بيدعي ربنا إنه يصبره عليه.

أنت شايف المقابل.. شايف العوض

لكن شوفت المشكلة؟
شوفت الحتة الناقصة؟
اتوجعت وتعبت زي صاحبها؟
أنت بتشوف الشخص للحظة بتشوفه في صورة حلوة، خروجة اتبسط فيها شوية لكن متعرفش الكواليس.

مش يمكن كل الحاجات اللي ربنا رزقه بيها دي تبقي الحتة الوحيدة اللي أنت شايفها منورة في حياته؟

محدش معاه كل حاجة، محدش بياخد أصلاً كل حاجة!

كف عينك عن رزق غيرك.. ترزق
كف عينك عن حياة غيرك.. تكرم
كف عينك عن سعادة غيرك.. تسعد