طريقة عمل وراك الفراخ المشوية في الفرن بتتبيلة روووعة
الوراك المخليه دي لازم تجربوها وعلى ضمانتي مش هتبطلوا تعملوها
الاول بنخلي الاوراك الفراخ او بنطلبها مخليه
وانتى بتشتريها قوليلوا هعملها حمام كداب علشان يحافظ لك على جلد الفراخ متماسك وسليم
طريقة عمل وراك الفراخ المشوية بالصور
ولو هتخليها فى البيت ف بالسكينه وهتحاولى تخلصى اللحم من العظم من الجهه اللى تحت
ولو هدر معاكي لحم وطلع فى العظم حطيه تاني فى الورك بين اللحم احنا مبنرميش حاجه هاا
التتبيلة الخطيرة للوراك
هنتبل الوراك بتاعتنا ب ميه بصل و طمطمايه صغيره نص قرن فلفل حار و عصير ليمون و خل و ملح وفلفل وزنجبيل
و ببريكا ومسترده وزعتر و روزماري فريش
هنسيبها فى التتبيله على الاقل ساعتين تلاته وياسلام بقى لو على بيات نتبلها ونسيبها فى التلاجه
التسويه قدامنا طريقتين اولا هنشويها ع الفحم
طب ولو معنديش شوايه فحم او مكسله .
هنحطها فى الشبكه بتاعت الشوايه الفحم اللى بتتقفل على بعضها دي لو مش عندك ممكن تشتريها رخيصه اوي
او حطيها زي ما هيه كدا مفروده على الشبكه فى الفرن ولو عندك الشبكه بتاعت الشوايه هتدهنيها زيت خفيف
بفرشه و تفردي فيها الاوراك وتدخليها الفرن تحطيها على شبكه الفرن فى النص و تحطي تحت فى ارضيه الفرن
صينيه ميطنه بورق المونيوم علشان الصينيه متتحرقش هينزل فيها كل الدهون النازله من الاوراك
مش بتاخد وقت خالص فى التسويه هتعرفي انها اسوت بانك هتلاقى الجلد أخد لون ذهبي جميل
نطلعها نعملها فحمه ونغطيها علشان تتشرب ريحه الفحم وتدينا تيست ونتيجه الشوي
وبس خلاص ايه رايكم فيها ومين هيجربها
