طريقة عمل الفول المدمس الرائع وافضل من المطاعم بطريقة سهلة
ان خلص الفول انا مش مسئول عشان خاطر رمضان بس
نزلت الفول وانا زعلانه منكم اوى عشان التفاعل قل اوى
وانا باعرف انكم استفدوا قد ايه من خلال التفاعل انا باصور واكتب واشرح كل تفصيله لافاده اكبر عدد
لما التفاعل يقل يبقى كده الحاجه اللى بنزلها محدش بيستفيد منها ويبقى اوفر على نفسى تعب
معلش على الاطاله ندخل بقا على الفول
طريقة عمل الفول المدمس للسحور فى رمضان
المقادير :
نص كيلو فول(ب10 جنيه ) ٢حبه طماطم /٢ جزره مبشوره/
فنجان رز/ فنجان عدس/ اصفر فنجان فول مدشوش/ليمونه
طريقه عمل الفول:
اغسل الفول وانقعه حوالى ساعتين تلاته
وبعدين اصفيه احط ميه كتير
وابشر الطماطم والجزر واحطهم وعصير الليمونه
احط يغلى وبعدين اغطيه واوطى النار خالص شمعه كده
وانساه اربع ساعات تقريبا وبعد كده اغسل الرز والعدس والفول المدشوش
واحطتهم الميه بتبقا النص كده ماازودش وبعد ساعه
ونص افتح حلاقى الميه قلت اغلى ميه وازود وافضل اقلب بالراحه خمس دقايق
لغايه ما كل الاضافات تدوب بس اسيب الفول نفسه عشان شكله يبقى حلو
مااهرسهوش واغطى نص ساعه كده ست ساعات بالضبط وافتح تلاقى حاجه تحفه زبده جنان
اغرفه فى علب او اكياس زى ما تحبى وبعد مايبرد اخلى علبه واحده
استخدام كام يوم فى التلاجه والباقى على الفزيزر بيقعد شهور
شوفوا نص الكليو طلع قد ايه كتير طبعا واحلى
وانضف ودايب فى البق وبالهنا يلا ورونى تفاعلكم الجميل
- ملحوظه
انا مسوياه فى حله عاديه كانت حله ضغط وباظت
