كل سنه وانتوا طيبين وفِي رمضان متجمعين
والزبادي في السحور واكلين ولبيت الله ان شاء الله رايحين
بصوا بقي أعدت امخمخ في معملي وجبتلكوا كل انواع الزبادي وخصوصا للاطفال
اللي مش بتحب طعم اللبن وكمان عاملاه بحليب عادي معلب ماشاء الله طلع تحفه ومفيهوش نقطه ميه
لان انا بره مصر مفيش حليب بلدي بجد بجد وهم طعمه خطير
لازم تجربوه والجديد بقي زبادي الشوكولاته خطييييير
الطريقه//
هنجيب كيلو حليب فريش او معلب بس يكون في ازايز مش علب وتغليه وتغطيه وتسيبيه يبقي دافي
تجيبي بقي كوب زبادي وتحطي معاها نص كوب حليب دافي من اللي احنا غليناه
وممكن تحليه بعسل اوًسكو وتحطي معاهم معلقتين كبار لبن بودر لو فيه مفيش عادي جدااا
وتقلبيهم كويس وتنزليهم عالحليب وتقلبي كويس وتصبيهم بقي في كوبايات وترصيهم في صينيه
فيها ميه سخنه وعلي فرن مطفي ودافي خمس ساعات وتطلعيه بقي عالتلاجه
زبادى بالشوكولاته / خطوه بخطوه واسرار نجاحه//
نفس الطريقه بس هنعمل صوص شوكولاته تقيل عباره عن نص كوب حليب يغلي عالنار
نحط عليه كوب شوكولاته متقطعه صغير ومكعب زبده وفانيليا اطفي النار
وتقلبيهم كويس وتدخليها التلاجه تبرد وتتقل واقلبيها علي الحليب بقي وتكملي الخطوات عادي
معندكيش شوكولاته حطي كاكاو خام كوب
طريقة عمل زبادي بالفراولة/بدون ماكينة///
نفس الطريقه بس هندوب كيس كريم شانتيه فراوله مع الزبادي والحليب
وننزلهم عالحليب ونقلب ونصبهم وممكن اَي نوع اَيس كريم تعمليه كده
وممكن بدل الآيس كريم اَي نوع فاكهه تحطيها مع مقدار نصها ميه مغليه تستوي وتبرد وتضيفيها عالحليب
وممكن طبعا التمر المفيد ده بنفس طريقه الفاكهه
او تجيبي معجون التمر تحطيه مع الحليب
جربوه طعمه جبااااار
