تورتة الكرنب حصرى من مطبخي للمبتدئات يا بنات
النهارده للمبتدئات حنعمل مع بعض تورتة المحشي وحبدأ معاكم من الالف الي الياء من اول ما نشترى الكرنبة لحد ما تكلوها …
..او محشي الكساله بمعنى اصح
شوية كسل من نفسي ..ومش عايزه اسلق الكرمب والفه
جبت كرومبايه صغيره وقورتها من فوق وغسلتها ونقعتها في ميه وخل وملح وبعدين شطفتها كويس وحضرت الخلطه بتاعتي وحطيتها في حله تحتيها شرايح طماطم
و فلفل رومي وحشيتها وحطيتها على النار معاها كوباية شوربه ونص كوبايه ميه عليها معلقة صلصه وملح ..وبس
باقي الخلطه حشيت بيها الورق الي طلع من القلب ..
طعم الكرومب من غير سلق تحفه تحفه
*تعديل *
تورتة محشي كرنب الملفوف
شكرا لكل الي قالو كلمه حلوه مجامله او هزار او من قلبهم
زمان كانت والدتي بتاخد قلب الكرنبه وتحشيها بباقي الخلطه
وكانت شبه كده بس اصغر وكنا بنحبها جدا وكانت بتسميها الست المستحيه ..الفرق بس انها كانت بتسلقها…
مافيش اهانه للكرنب ولا يحزنون يا جماعه استهدوا بالله
أسهل واسرع طريقه للمحشي بشكل مختلف كالمطاعم
أبسط واسرع طريقه للملفوف
