السويسرول أول مرة أعمله فى البيت
طريقة عمل السويسرول سالى فؤاد (سويسرول فاخر سالى فؤاد)
المقادير
7 بيض و2 باكو فانيليا+بشر برتقال و نص كوب سكر ناعم مش بودرة و نص كوب دقيق منخول +معلقة نشا كبيرة
الطريقة
البيض يطلع من التلاجة اهم شيء وافصلى الصفار عن البياض
(كل بيضة افتحيها الاول في طبق وبعدين افصلى البياض عن طريق صوابعك اسهل جدا )
- أولا
الصفار +ربع كوب السكر +كيس فانيليا ورشه بشر برتقال وضرب لحد ما يوصل زى الصورة
- ثانياً
الدقيق مع النشا مع ذرة ملح صغيرة جدا ويقلب مع الصفار من تحت لفوق
- ثالثا
البياض +ربع كوب السكر التانى وكيس فانيليا وذرة ملح يضرب لحد ما يكون شبه الكريم شانتيه التقيل كده
رابعا زودى البياض بالتدريج من تحت لفوق برضة بكل رقه على الخليط (الدقيق والصغار)
جهزى صاج فرن أنا غلفته بالفويل ودهنت زيت ذرة ورشيته بالدقيق
وافردى فيها العجينة والفرن على 200 درجة الحرارة بالمروحه فى الرف الوسط وقعد بالضبط 12 دقيقة
وبعدين يطلع على فوطة يبرد تقلبيه وتدهنى اللى عندك ممكن مربة أنا حطيت كريم شانتيه
وعليه بشر برتقال مستوى وروح البرتقال من الداخل ولفيته وحطيته ف الفريزر ساعة
وخرجته دهنت كريم كده ابيض وعملته بالشوكة وعليه من برة كروكان معمول فى البيت برضة
( سكر وميه على النار كراميل فاتح كده ننزل عليهم بالزبدة والمكسرات تتحمر شوية ننزل عليهم بالكربوناتو
او بيكنج باودر اللى موجود ونزله على مفرش سليكون وتكسرية وتستخدمية )
(حاسبى النار والخليط سخن )
اخر ملحوظه لما تقطعى السكينة عندى بوظتة فمسكت خيط وقطعت بيه تحفه وكان لازم اسيبه
فى الفريزر يجمد شوية بس عندى مستنوس عليه بالهنا
الى اللقاء لحد ما اجرب بالشكولاته
البياض على التلاجة لحد ما اجى اشتغل فيه
طريقة عمل السويسرول بالمربى
طريقة عمل السويسرول فاطمه ابو حاتي
طريقة عمل السويسرول بدون ورق زبدة
طريقة عمل السويسرول بدون فرن
طريقة عمل السويسرول
الصفار
الصاج بعد البطانة الفويل والزيت والدقيق
الصفار بعد الضرب
البياض بعد الضرب لو تلاحظى جامد
الصفار والدقيق واضيف عليه البياض حبه حبه
التقليب من فوق لتحت بالصبر خالص
كملى الفرش لان الخليط واقف
بعد نجاح العمليه
طرى كده زى الهوهوز
كريمة البرتقال
لما اتلف
عجينة السويسرول
في الفريزر ساعة
غطى بالكروكان والكريمة
حطيته ف علبه زى الحلوانى
