Japanese Cheese Cake،طريقة عمل تشيز كيك ياباني بطريقة بسيطة
وقفت لييه….. ما تكمل تقليب
الموضوع اتقبل ياريت تدخلوني التريند لوسمحتوا
تشيز كيك ياباني.. حلى شهي الطعم وبشكل رائع
وطريقة تحضيره السهلة نقدمها لك من مطبخ سيدتي، لتقدمي
أطيب وأشهى الحلويات من حول العالم على سفرتك.
معلش يا جماعه نسيت اكتب الطريقه
دي تشيز كيك ياباني بس انا حطاها في قوالب الكاب كيك
المكونات :
٦ بيضات
١٠٠جرام دقيقه او تلات اربع كوب
١٠٠ جرام سكر او نص كوب
معلقه كبيره فانيلا
١٠٠ جرام حليب تقريبا نص كوب
١٠٠ جرام ذبده
الطريقه :
نفصل البياض عن الصفار ونسيبهم ياخدوا درجه حراره الغرفه و علي حمام بخار نسخن الحليب والذبده
مع بعض لحد ما تسيح الذبده خالص وبعدين نصبها علي الدقيق ونقلب وبعدين نحط صفار البياض
بالتدريج ونقلب لحد ما يبقي اتقل حبه صغيرين من قوام الكيك ولو احتاجت ضيفوا
حليب دافي وبعدين ضيفوا الفانيلا و بعدين ناخد البياض نضربه علي سرعه متوسطه
ونضيف السكر بالتدريج لحد ما يبقي قوامه شبه الكريم شانتيه وبعدين نضيفه
علي الخليط الاول واول ما يتخلط نوقف تقليب وبعدين نحطه في صينيه
او قوالب كب كيك زي ما انا عملت عليها ورق ذبده او نمسحها بزبده
ونرش عليها دقيق ونحطها علي صينيه فيها ميه مغليه في الفرن في الرف الوسطاني
علي درجه حراره ١٥٠ ونغطيها بورق المونيوم لمده ٣٠ دقيقه وبعدين نشيل الورق
ونسيبها لحد ما تستوي ولو ما اخدتش لون افتحو الشوايه
واول ما تاخد لون طلعيها وغطيها عشان متنشفش وطبيعي انها بعد ما تطلع انها تهبط شويه فمتقلقوش
مع العلم
ان التشيز كيك دي مش مسكره اوي يعني بتتقدم مع مربي او عسل او كراميل او الي تحبوه
وبالهنا
