البسبوسه

البسبوسه دى تتحدى بيها اى حد وداعا لفشل البسبوسه
الاول عشان البسبوسه متبقاش ناشفه معاكي
متكتريش البيكنج بودر لو هتحطي
العسل لازم يبقا خفيف ولما تطلع من الفرن حطي عليها العسل كتير اوي
طريقه عمل البسبوسه فى البيت
طريقه عمل البسبوسه العاديه
طريقه عمل البسبوسه بالزبادي
طريقه عمل البسبوسه الجاهزه
البسبوسه الاصليه
طريقة البسبوسه بالقشطه

الطريقه بقا …
جيبي 3 كوبايات سميد ( نص كيلو ) ونص كوب سمنه و 3/4 كوب لبن و ربع معلقه بيكنج بودر
و معلقتين دقيق و3 معالق جوز الهند و كوب سكر
حطي اللبن في بوله و عليها السمنه و اللبن والسكر و دوبي 3معالق جلوكوز عالنار
أو فالميكرويف ولو مش عندك حطي 3 معالق عسل وقلبي كل ده مع بعض كويس جدا
وجيبي بوله تانيه حطي فيها المكونات الجافه وقلبيهم مع بعض كويس وبعدين تحطيهم علي الخليط التاني
و تفركيها ب ايدك و تكوني داهنه الصينيه سمنه و طحينه وتكوني حطاها فالتلاجه طلعيها وحطي
فيها الخليط وافرديه فيها وسبيها عالرخامه ساعه و لو هتزوقيها حطي الحاجه عليها عادي و سبيها
العسل بقا كوبايتين سكر وكوبايتين مياه ولما السكر يدوب شبيها تغلي غلوتين علي النار
بس وحطي عصره لمون صغيره ومعلقه سمنه كبيره و طفي عليها
البسبوسه بتدخل فرن علي 180 و بتاخد لون من تحت ومن فوق لوحدها من غير شوايه