مكرونة بالبشاميل سايحة ونايححححة

مين بيحبها زي كدة ومتتاكلش الا وهي سخنة ومن غيييير بيض خالص
مكونات حشوة اللحمة:
هنشوح بصلة مفرومة في معلقة زيت لحد ما تدبل وننزل باللحمة ونشوحها وملح وفلفل اسود
ومعلقة صلصة كبيرة ونص كوباية ماية ونقلبهم ونسبها تغلي وتتبسك ونطفي عليها .

المكرونة:

هنسلق مكرونة قلم بالطريقة العادية وتكون تلت تربع سوي ونختار نوع كويس
استخدمت الملكة ودي بيفرق جدا في الوصفة .

البشاميل :

في حلة هنحط معلقتين كبار سمنة ممكن زبدة وزيت برحتك ونزل ب ٥معالقة كبار دقيق
ونقلب وننزل باللبن البارد مع التقليب المستمر بالمضرب اليدوي
( ممكن تحطي جزء لبن وجزء كريمة طبخ بتطلع كريمي جدا )
لحد ما يتقل شوية انا عملتة خفيف عن العادي وضيفت مكعبين جبنة كيري
وملح وفلفل اسود ونقلب كويس
مكرونه بالبشاميل السايحه علي اصوله المشهوره في اكبر المطاعم

تجهيز الصنية :

في الاول هنحط شوية من البشاميل في قاع الصنية ونص المكرونة
وطبقة بشاميل وطبقة اللحمة وطبقة بشاميل خفيف وباقي المكرونة وبشاميل
ونغطيها كويس بالبشاميل ورشة جبنة موتزاريلا وندخلها في سخن هتاخد حوالي ٢٠ دقيقة
لحد ما تسيح الجبنة وتاخد لون احمر
وهتاكلي احلي مكرونة بالبشااااميل سااااايحة وناااااايحة وكفاية انها من ايديك
صحتين وهنا علي قلوبكم
ازاي تخلي المكرونه البشاميل سايحه ونايحه وملهلبه