السلام عليكم ورحمة الله وبركاته
ازيكم عاملين ايه انا بقى فالكفته ماليش منافس بفضل الله
قولت اجى اقول الطريقه بالتفاصيل الممله
يلا ندخل فالموضوع على طول من غير رغى كتير
مقادير كفته اللحمه
كيلو لحم مفروم
عدد ٢ بصله وسط
خضرة شبت و كزبرة و بقدونس من كل ربطه شويه حلوين
٥ فصوص ثوم
ملح فلفل بهار بابريكا بصل و ثوم باودر قرفه
بيض و بقسماط
طريقه كفته اللحمه الذيذة
فرمت البصل فالكبه مع الثوم و الخضرة حلو و بعدين حطيت اللحمه معاهم تتفرم معاهم تانى
عشان كله يتجانس مع بعضه حطيت بقى التوابل بتاعتى و عجنتهم بأيدي حلو
و بحط فيها ٢ بيضه و شويه بقسماط و بعملها بالبيض و البقسماط تانى و نسبها فالثلاجه شويه
و نطلعها نقليها فى زيت غزير بجد تحفه اللهم بارك بحبها اوى
كفته الفراخ الرهيبة
مكونات كفته الفراخ
جبت صدور فراخ و تبلتها بمايه بصل و ملح وفلفل أسود و بهارات بابريكا و بصل و ثوم باودر
مسترده و كزبرة خضراء
طريقة عمل كفتة الفراخ السريعة
و فرمتها فالكبه و و حطيت عليها بيضة و شويه بقسماط
و عملتها بالبيض و البقسماط و حمرتها فى زيت غزير برضه جامدة جدا اللهم بارك
يلا إللى لسه ما عملش الطريقه دى يتفضل يعملها و يقولى النتيجه
