اصناف متعددة باللحمة المفرومه
بدأ العد التنازلي لشهر رمضان المبارك ربنا يبلغنا وإياكم لافاقدين ولامفقودين
كلنا ستات وبنات هنبتدي التجهيزات سواء للمطبخ أو للزينة أو لأصناف تخزين في الفريز
مع يوميات شبكة عالمك فى المطبخ مش هتشيلي هم حاجة
هنبدأ بسم الله بتجهيزات اللحمة المفرومة
نصيحة بقي
انا بعملها عشان الوصفات تطلع مظبوطة لازم اخلط لحمة بلدي علي اللحمة بتاعت منافذ الجيش
عشان اللحمة البلدي لوحدها مش بتظبط الوصفات
1_كفتة الحاتي
مقادير كفتة الحاتي
لحمة مفرومة
بصل
برغل
زيت
توابل (ملح _ فلفل اسود _ بهارات _ قرفة _ شطة )
بيكنج بودر
طريقة كفتة الحاتي
1_ اول حاجة هنفرم البصل ونصفية كويس ناخد التفل بتاعة نحطة علب اللحمة والماية نسيبها في طبق هنرجعلها
2_ نغسل البرغل كويس ونحطة عليها محدش ينقع البرغل وكل كيلو لحمة بياخد كوباية برغل صغيرة
3_نحط التوابل والبيكنج بودر علي اللحمة ونقلب كلة مع بعضة ونسيبها ترتاح 10 دقايق
4_ نرجع بقي لماية البصل نحط عليها شوية زيت وملح وفلفل نجيب اللحمة بقي
نبل ايدينا بالماية دي ونبدأ نصع الكفتة صوابع علي خلة او ضهر معلقة نخلص
الكمية كلها ونحطها في اطباق ونشيلها في الفريز
لما نيجها نسويها نحطها علي الفحم او الشواية بتاعت البوتجاز
2_ الكفتة السريعة
مقادير الكفتة السريعة
لحمة مفرومة مخلطة زي ماقولتلكوا
بصل مفروم
توابل(ملح _ فلفل اسود _ بهارات _توم وبصل بودر _ بابريكا _ حبهان بودر )
طماطم متقطعة جوانج
بصل متقطع جوانج
فلفل الوان احمر واخضر واصفر متقطع جوانج
طريقة الكفتة السريعة
1_نجيب اللحمة المفرومة نحطها في الكبة نضربها صربة ننعمها والبصل كذلك ننعمة ونخلطهم علي بعض مع التوابل
2_ نصبع الكفتة دي صوابع صغيرة جدا زي الكفتة ام رز
3_نجيب طاسة نحط فيها زيت قليل ونحط فيها صوابع الكفتة دي نشوحها لحد لما تستوي
4_ نركن الكفتة علي جنب الطاسة وفي الجنب التاني نشوح الطماطم لحد لما تتشوح خالص
والقشرة تختفي ونقلب كلة علي بعضة بعد كدة نحط البصل والفلفل ونقلب كلة علي بعضة
لحد لما الفلفل والبصل يدبل ونقفل عليها
ودي بقي اسرع كفتة في العالم
3_ البرجر
مقادير البرجر
لحمة مفرومة
بقسماط مطحون (ريتش باك)
بياض بيض
نجيب من عند العطار بهارات برجر او كيس فاين فودز
طريقة البرجر
1_نخلط كل المقادير علي بعض ونسيبها ترتاح نص ساعة بعد كدة نعنلها اقراص متساوية ونشيلها في طبق في الفريز
2_ لما نيجي ناكل نطلعها ونجيب جريل ندهنة زيت ونشوحة
ودة اسهل برجر وطعمة خطييير
4_الحواوشي
مقادير الحواوشي
لحمة مفرومة
لية مفرومة
بصل مبشور
التوابل (ملح _فلفل _رشة سكر_بهارات حواوشي _ رشة جوز الطيب)
2 قرن فلفل احمر واخضر وقطع.ط
طمطاية صغيرة مبشورة
طريقة الحواوشي
1_ نخلط كل المكونات مع بعض ونسيبها ترتاح شوية
2_ نرسها في عيش بلدي وندخله الفرن او نشوحة علي طاسة او جريل ودة او نشوية علي فحم
ودة الحواوشي العادي
الحواوشي الاسكندراني الي بالعجينة
مقادير العجينة
كيلو دقيق
2 كوباية ماية دافية
علبة زبادي صغيرة
ملعقة ونصف سكر
ملعقة ونصف خميرة فورية
ربع كوب زيت
رشة ملح
طريقة الحواوشي الاسكندراني
نعجنها زي اي عجينة عادية ونسيبها تخمر بعد كدة نكورها كور صغيرة ونفردها
ونحط فيها اللحمة ونعملها رغيف وندخلها الفرن بس قبل الفرن لازم ندهن الوش و نشكلة
دهن الوش
ملعقة صغيرة سكر
رشة قهوة سريعة الذوبان
معلقة كبيرة لبن بودرة
5 معالق كبيرة ماء
تشكيلة الوش ودي خطوة اختياااااااري
حبة البركة
سمسم
ميكس جين
طماطم شرائح
زيتون
5_ اخر حاجة معانا اللحمة المعصجة
- ودي تستخدم في المكرونة بالباشميل رقاق وجلاش وسمبوسك وفطير حادق وبطاطس محشية
مقاديراللحمة المعصجة
لحمة مفرومة
بصل مقطع قطع صغيرة
فلفل اخضر واحمر واصفر مقطع قطع صغيرة
معلقة صلصة طماطم
التوابل (ملح _ فلفل _ بهارات _قرفة )
طريقة اللحمة المعصجة
1_نجيب طاسة فيها شوية زيت يسخن نحط فيها اللحمة تتشوح وتنزل الماية بتاعتها وهتبدأ تتشربها ننزل البصل
ونشوحة معاها والتوابل بعد كدة الفلفل ونقلب شوية ونقفل عليها وفي اكياس وفي الفريزر
بالهنا والشفا ودي اول حاجة معاكوا في تجهيزات رمضان
لايك وكومنتات كتييير
