نصائح هتحببك في المطبخ والطبخ
1_بصي بقي يا ستي خلي عندك بخاخه فيها نص كوب ماء نص كوب خل وم كربوناتو وم ملح ليمون
اول لما تخلصي طبخ تمسحي البوتجاز الاول بمنديل وبعدين تروشي علي البوتجاز من برة ومن جوه وتتركيه ربع ساعة
وبعدين تمسحيه بمنديل المطبخ ثم تلمعيه بالفوطه بتاعة المطبخ بس الوشوش تدعكيها بسلك علي شان
ما يتركمش عليها الدهون وتتحرق
2_ما تركنيش المواعين في الحوض اغسليها وانتي واقفه وانتي بتغسلي الموعين
خلي علبه حطي فيها الصابون السايل ومايه وربع كوب خل هيخلي الموعين بتبرء
3_بعد ما تغسلي الموعين هاتي البخاخه اللي فيها الخل وملح اللمون والكربوناتو
ورشي في الحوض وعلي الخلاط بتاع الحنفيه هيخليهم بيلمعو زي الفضي
4_بعد ما تقلي السمك او البطاطس او اي مقالي هاتي جردل حطي فيه مايه سخنه وخل وملح ليمون
وكربوناتو وفوطه قديمه او اي قماشه خشنه بليها واعصريها ولفيها في المساحه
ومشي علي سراميك المطبخ علشان ما يتراكمش الدهون
5_لو مطبخك المويتال ترشي علي المطبخ بالبخاخه هينضف ويبرؤ
6_خلي الرخامه نظيفه علي طول ورايقه ماتخليش عليها حاجه امسحيها بمايه وخل بس
.خلصتوا قرايه لايك بقا وصلوا على رسول الله صلى الله عليه وسلم
