من اشهر الحلويات الشرقية …. البسبوسة
طريقة عمل بسبوسة المحلات وبمكونات متوفرة في كل بيت
ومبتظبطش مع ناس كتير…… جربو الطريقة دي هتعجبكم جدااااااا
#بسبوسة ….. الإبداع
طريقة سهلة ولذيذة ومظبوطة
المقادير
نص كيلو سميد
نص كوب سمن سايح
نص كوب سكر
معلقة صغيرة بيكنج باودر
نص كوب لبن + معلقتين عسل ابيض
الطريقة
نقلب السميد مع السمن كويس نبسها…. تبقي عاملة زي رمل مبلول
ونضيف السكر والبيكنج باودر ونقلب
ندفي اللبن ونقلب فيه العسل وننزل بيه ع السميد ونقلب بالراحة من غير عجن كتير
في صنية مدهونة سمن (مقاس ٣٢) ننزل البسبوسة ونبل ايدينا مية ونسويها ونخبطها خبطتين علي الارض ….
ونزينها بالمكسرات
ندخلها فرن سخن علي ١٨٠ لحد ما تحمر من الجناب كويس ونشغل الشواية تاخد لون
تطلع نسقيها الشربات السخن اول ما تطلع
**الشربات كوب ونص سكر …. ٢ كوب مية… يغلي خمس دقايق ونضيف نص لمونة…
فانيليا ومعلقة سمن
ونسقي البسبوسة ونغطيها عشر دقايق وبعد كدا نسيبها تبرد ونقطعها
والف هنااااا
طريقة البسبوسة بالزبادي
طريقة عمل البسبوسة للشيف حسن
مكونات البسبوسة العادية
طريقة عمل البسبوسة بالسميد
