الغطس مع القروش في جنوب البحر الاحمر – مصر.

هكلمكم عن حاجه محدش كتير يعرفها بين المصريين.
تعرفو ان من اشهر النشاطات بين السياح الأجانب المهتمين بالغطس حول العالم هو الغطس مع قروش البحر الاحمر ..
شوية معلومات عن الموضوع :
١. جنوب البحر الاحمر – مرسى علم وجنوبها – شعب الاليفستون كمثال وجزيرة الآخوين و جزيرة روكي
وزبرجد

Edit: Rocky not koky and Zabarjad

٢. اشهر الأنواع : – القرش المحيطي الرمادي ذو الطرف الأبيض
– القرش هامر هيد المطرقة
٣. الرحلة تحت قيادة مدربين غطس مصريين هم الأفضل في العالم في هذه الرياضة .. تحتاج تكون معاك على الاقل ١٠٠ غطسة و ٣ مراحل من شهادات الغطس وعندك خبرة قوية في التحكم بالطفو وحل مشاكل الغطس اذا قابلتك.
٤. بناخد مراكب كبيرة وبعدين ننزل ب سبيد بوت تعمل ” دريفت دايف ” يعني الزودياك بيرميك عند المنطقة فيها القرش طبعا لوجود تيارات مياه قوية جدا عادة في البحر المفتوح
٥. بيكون فيه تعليمات صارمة الكل بيتلزم بيها في كل شيء
٦. ممكن تروح يوم واحد وممكن تقضي الليلة على المركب في البحر بجوار جزيرة
٧. بيكون كل شيء مجهز من طواقم خدمة المراكب المصرية وغطاسين ومراكز غطس على اعلى مستوى في العالم وقمة في الاحترام والحرفية والخبرة.
أتمنى أكون وريتكم شيء جديد عن بلدكم مش ناس كتير تعرفه واللي حابب يسال عن شيء يتفضل