كيكة الزبدة الهشة _ منتدى كنتوسه
اول مره انزل حاجه
يارب تجربوها و اهم حاجه تقولولي رأيكوا
كيكه الزبده
بعملها ديما مغذيه للولاد و نفس طعم كيكه درو اللي بنشتريها
- مقاديرها :
كوب ونص دقيق
وكوب الاربع لبن وكوب سكر
و3بيضات ومعلقه بيكنج بودر كبيره ممسوحه
و 4معالق زبده و يا سلام بقا لو نيوزيلاندي
الطريقه هنحط الزبده علي السكر ونضربهم لغايه ماتبقي بيضااا
و نضيف الفانيليا مع البيض و نضيف بيضه بيضه لغايه ما تنفش شويه
وبعدين ننخل الدقيق مع البيكنج بودر ونحط شويه دقيق وشويه لبن ونضرب بالمضرب لغايه مانخلص الكميه
ونحطها في قالب علي فرن متوسط ومنفتحش عليها لغايه مانشم ريحتها ونشوف بالشوكه
استوت نطفي وخمس دقايق و نطلعها علي الرخامه
و ممكن نسويها على حمام مائي و ممكن تزينيها طبعا صوص شوكليت او جوز هند او اي حاجه تحبيها
والف هنا