عجائن ومخبوزات

قوارب القطايف باللحمه المفرومه

الجديد عندي هنا وبس وبراءة الاختراع عندي
واتحدي اَي حد يجي في باله يعمل الاكله الرهيبه الخطيره ديه

بالصور قوارب القطايف باللحمه المفرومه

ايوه قطايف متستغربيش طعمها اقسم بالله مالوش حل وخفيفه جدا
لانها مش متحمره والطعم حكايه كرانشي من بره وطريه من جوه ندخل عالمقادير

مقادير قوراب القطايف :

كوبين دقيق عليهم رشه ملح ومعلقه صغيره خميره ومعلقه صغىيره سكر
ومعلقه صغيره بيكينك بودر والسر بتاعي
معلقه صغيره خل وربع كوب دقيق سميد وتنزلي عليهم بكوبين وربع ميه دافيه

طريقه وصفة القطايف :

وتقلبي كويس وميبقاش فيه اَي تكتلات وتسيبيها ترتاح عشر دقايق
وطاسه سخنه تيفال مبتلزقش تنزلي بقي بالقطايف انا عاملاها حجم كبير
قد كف الايد وبعدين تهدي النار وأول ماتبتدي تطلع فقاقيع وتنشف شيليها علي طول
علي فوطه وتغطيها عشان تبقي طريه وبعدين بقي تعمليها بالشكل ده كل طرف منها
تقفليه كده وتحشيه بقي اَي حاجه فراخ او لحمه مفرومه او مشكل جبن
انا حشيتها لحمه مفرومه بالصلصة وعليهم زتون وجبنه موتزاريلا
وترصيهم بقي في صينيه عليها ورق ذبده مكنش عندي دهنت الصينيه زيت خفيف جدا
ورصيهم وعالفرن ربع ساعه علي ١٨٠والف هنا
بجد جربوها خطيره

yasmen

كما شهرزاد.. حكت لتُبقي نفسها على قيد الحياة، أكتبُ لأبقِى نفسي على قيد الحياة. إنّني مع كلّ نصٍّ أكتبه أكتشف حقيقة أخرى مخبأة في داخلي.
زر الذهاب إلى الأعلى