- رحت أشتري فرخة مشوية
وانا مستني تجهيز طلبي.. جه راجل شكله على قد حاله وسأل صاحب المطعم بكم الفرخة ؟؟
فقال له 100 جنيه
فخرج الرجل وشفته بيحسب ويعد في فلوسه … وبعدين دخل وقال لصاحب المطعم : –
لو سمحت ممكن تشوفلنا واحدة صغيرة شوية وبسعر أقل .
فصاحب المطعم آخذ تليفونه ورد على مكالمة وفي نفس الوقت بيوميء للراجل برأسه
كأنه بيقولُ له حاضر وهو يبتسم وباين عليه السرور .
وبسرعة خلص المكالمة وهو يقول : – الحمد الله ياربي على النعمة دي و الفضل ده.
وجاب فرخة كبيرة مشوية وقدمها للراجل .
وقال له وشك حلو.. ربنا رزقني بولدين توأم .
ودي هدية مني ليك يا وش الخير والبركة .
آخد الراجل الهدية وفرح بيها ودعا له ” يتربوا في عزك ويبارك لك فيهم “
ودعاوي خير كتير وخرج من عنده فرحان….
- أسماء محلات تدل على الفخامة
- اختبار الشخصية | ألعاب عالم غامبول المدهش
- ما المصدر الرئيسي لصناعة الكرتون والورق
- ظهرت فى مصر القديمة.. أسرار لا تعرفها عن الماكيتات الخشبية
- اجمل باقة ورد هدية
وبعدين جابولي طلبي ودفعت الفلوس لصاحب المطعم وقلت له
” ألف مبروك عليك الولدين”…
فضحك …
وقال لي
محدش اتصل بي اصلاً.
انا فكرت في طريقة أساعد بيها الراجل لأنه محتاج و عاوز أكل لأسرته…
ومكسوف يطلب مساعدة وانا عملت الطريقة دي علشان احافظ له على كرامته وميحسش إنها صدقه
فقدمتها له هديه .
* فقلت في نفسي الحمدلله ان الدنيا لسه بخير…
صلوا على من علمنا الأخلاق
