#عزومه_محاشي
أولا المحاشي بتنجان وفلفل حار وكوسه وكرنب
بنسلق الكرنب ونقور البتنجان والكوسه وننضف الفلفل ونغسلهم كويس ونعمل صلصه المحشي بصل متقطع ع النار يتشوح وننزل بالتوابل كمون وتوابل محشي وبعدين نحط الطماطم معصوره ونسبها تتسبك وتغسل الخضرة شبت وكسبره ونقطعها عالرز ونقلب ونحشي
ثانيا الممبار
نقطعه وبعدين نغسله كويس من برا وبعدين نقلبه وننضفه بالسكينه وندعكه بملح كويس قوي وبعدين نشطفه وننقعه ف مايه وملح ولمون ومنقلبوش تاني هنحشيه من نفس خلطه المحشي ونسيب الدهون بتاعته جوا بتدي طعم حلو
ثالثا بقا الفراخ واللحمه
مسلوقين عادي ف مايه فيها بصل وورق لوري وحبهان و قرفه وجزرة وكوسايه وطمطمايه وفلفل اسمر وملح ولما يستوو نفرم طمطمايه وبصلايه وفلل اسمر وملح وشويه زيت وندعكهم بيها وندخلهم الفرن يتحمرو
رابعا الجلاش
بنجيب لفه جلاش نقسمها نصين وندهن صينيه شويه سمنه ونحط نص لفه الجلاش ونحط لحمه مفرومه متعصجه ببصل وملح وفلفل اسمر وبعدين نحط النص التاني ونساويها وبعدين نقطعها وندهنها سمنه وندخلها الفرن أول مالونها يفتح شويه بنطلعها نسقيها لبن متقلب فيه بيضه ورشه ملح وفلفل اسمر وندخلها الفرن تاني تتحمر.
أصناف عزومة غداء
عايزة اعمل عزومة جامدة
منيو عزومة
عزومة محشى اعمل اكل ايه
اكل عزومة نواشف
