عجينة قطايف مضبوطة
القطايف هي فطيرة تؤكل نيئة أو مقلية بحشواتٍ متنوعة منها
القشطة والجبنة والجوز، ويشتهر إعدادها في مصر وبلاد الشام عجينة قطايف مضبوطة

قطايف البيت يا اخوانا

اللى مجربش القطايف ع طريقتى فايته كتيييييير
ومن غير خميرة

مكونات عجينة القطايف

٢ كوب دقيق
نص كوب سميد ناعم
٣ معالق كبيرة حليب بودر
رشة ملح
٢ معلقة كبيرة سكر
معلقة صغيرة بيكينج بودر
رشة فانيليا
٣ كوب ماء دافى

أسهل طريقة لعمل عجينة القطايف

فطبق هتضيفى كل المكونات الجافة وتقلبيهم كويس
وعليهم مقدار المية وتضربيهم ف الخلاط
وبس كده جاهزين نسوي

احلى قطايف

لو مش متوفر حليب بودر تقدرى تستغنى عنه
وف طاسة سخنة وامسحيها بمنديل فيه نقطة زيت وبعدين تهدى النار
بعد ما الطاسة تكون سخنت كويس جداااا
ننزل بقي بشوية من الخليط ف الطاسة بالمقاس اللى تحبيه واول ما يظهر فقاقيع
وشكل العجين يختفى كده تمام استوت تطلعيها ع فوطة تتهوى وهى ع ضهرها
وضرورى تغطيها عشان متنشفش
وتخلصي كل الكمية بالشكل ده وتحشيها عالطول
وممكنتفرزيها وهى محشية وتطلع ع التسوية وممكن تستوى بالاير فرايز
امسحيها بفرشة زيت او زبدة وكمان ممكن تدخل الفرن تحت الشواية تتحمر
تحشيها بقي موتزاريلا او الحشوة العادية بتاعتنا جوز هند وزبيب وشوية سكر ولو متوفر
اى نوع مكسرات او سودانى بتبقي هايلة وبألف هنا عليكم جربوها ع ضمانتى مش هتبطلوها ابداااا
والناس اللى مستغربة من حشو الجبنة بالعكس بتكون حلوة ممكن تتحشي جبنة مربعات
او موتزاريلا لو يعنى متوفرة
وعادى بتطلع برضه من الطاسة ع الشربات
دى طريقتى اللى معتمداها بقالى ٥ سنين

شربات القطايف

كوبايتين سكر وعليهم كوباية مية اول ما يغلى تنزلى بعصرة
ورشة فانيليا وتسبيه يغلى ٣ دقايق وطفى النار وتسببها يبرد تماما وتحمرى القطايف
وع الشربات دوغري وتطلعيها بقي
بالف هنا

عجينة قطايف مضبوطة

عجينة قطايف مضبوطة

عجينة قطايف مضبوطة

عجينة قطايف مضبوطة

مواضيع قد تهمك

المراجع
 3almc.com