طريقة لف الشاورما في العيش السوري ـ منتدى كنتوسه
الشاورما وعيش الشاورما والتوميه
اعملو الشاورما ف البيت
الطريقه تحت الصور ياجماعه
اقبل الشاورما يا ادمن
صدور فراخ متقطعه شرايح كده
التتبيله بقا
زبادى علبه
لمون واحده
معلقتين خل
معلقتين زيت
مسطرده كاتشاب صوص حار اختيارى
ملح وفلفل وبابريكا وبهارات فراخ
نقلب كله مع بعضه
ننزل ع الفراخ
نقلبها كويس ونسيبها بقا لحد ما نجهز بقيت الحاجات
العيش ٣ كوب دقيق عليهم رشه ملح
ننزلو عليهم بتلات معالق زيت
كوب ميه علية معلقه صغيره سكر ومعلقه كبيره خميره
ننزل بيهم ع الدقيق
نلم العجينه ونزود ميه لو احتاجت هنغطيها ونسببها تخمر نص ساعه
كده جاهزين العجينه بتخمر الفراخ بتتبل البطاطس
انقطعت ونقعتها ف ميه و ملح وخل
يالا نعمل التوميه كوب ميه عليه ٣ معالق كبار نشا ندوبهم الاول
كده تمام
نرجعهم ع النار
نقلب لحد ما يتقل
هتبقى لونها شفاف كده نسيبها تبرد تماما
حطي الثوم مع النشا والمياه عالنار هتقلل من لدعه الثوم وتسلم ايدك شكلها شهي
الخلاط بقا هنحط معلقتين زبادى ٣ فصوص توم
عصره لمونه ٣ معالق خل ونص معلقه ملح
وننزل بالنشا اللى عملناها بعد ما برد
والخلاط شغال هننزل بربع كوب زيت سرسوب كده وبس نطفى تمام
العجينه خمرت
هنقسمها كده
نفردها بدقيق
هنجيب صنيه ونقلبها ع وشها كده ونسخنها كويس ونحط الرغيف كده نار متوسطه
عملتها قبل كده وطلع العيش ناشف جدا
وما بيتلفش ممكن اعرف السبب؟
لازم تغطيه بعد ماتشيليه م ع البوتجاز عشان يفضل طرى ماينشفش
هتعمل فقاقيع هنقلبها الوش التانى
كده تمام
سخنت طاسه كويس وحطيت زيت ونزلت بالفراخ
اما خدت اللون دا كده
جبت بصلايه شرايح وطماطم وفلفل اخضر
نزلت وقلبت تقلبتين كده وطفيت
كده كله جاهز حمرت البطاطس
حطيت توميه بقا
وفراخ وعليها بطاطس
وموتزاريلا
المفروض ان الموتزريلا مش بتتحط مع الشاورما لانها بتضيع طعم الفراخ
أنصح بطحينه او المسبحه السوريه دي ، انما الموتزريلا بتبقي ع البطاطس لوحدها بس
لفيت كويس كده
جبت الجريل سخنته ودهنته زيت حطيت تتبصم كده
طيب معنديش جريل اي البديل
طاسه تيفال
نبصمها كده كويس نار متوسطه
تحفه بجد
مش الها حل علاوله
جامده جدددددددى
الموتزاريلا ساحت راحت مطرح ما راحت
