طريقة لف البوريك التركي الهش
اعملو البوريك التركى بحشوه مميزه وطعم روعه
البوريك التركي اللي عامل ضجة على مواقع التواصل الهش المميز …
هيعجبكم جدآ أن شاء الله
الطريقه تحت كل صوره زى كل مره
ادعولى دعوة حلوة بس
المكونات بتاعتنا نص كيلو سجق بلدى وينفع اى حشوه تانيه ربع كوبايه زبده ع زيت ربع كوبايه لبن
بيضه ملح وفلفل اسود نص معلقه صغيره بيكنج بودر معلقه كبيره دقيق
هنشوح السجق في طاسه تيفال سخنه مفيهاش اى دهون خالص عشان
ينزل الدهون الزياده ونكون سابينه سليم
مش متقطع ونحط عليه ملح بسيط وفلفل اسود ونص معلقه توم مفروم
هنحط باقي المكونات ع بعض وده السائل اللى هنشرب بيه البوريك وندهن بين الطبقات
هنقلب كل مكونات التشريبه مع بعض
هننتشل السجق من الدهون بعد ما استوى
فى صنيه فرن هندهنها بزيت أو زبده عشان نرص
نفرش كيس بلاستيك من بتاع التلاجه ده هيساعدنا في اللف ومش هنبهدل الرخامه
حتى لو لفه الجلاش قديمه مثلا في الفريزر وفيها قطع كده عادى
هندهن ورقة الجلاش بالخليط اللى جهزناه ورقة واحدة بس وندهن بالفرشاة كويس
هنحط صوابع السجق
ونبتدى نلف
بالشكل ده
ونرص في صنيه الفرن ونحاول نختار صنيه اد صوابع البوريك
دول كانو صوابع موتزريلا متبله حطيتها بردو ينفع اى حشوه فراخ لحمه مفرومه
ميكس مدخن أو جبن بس
دى الكميه كلها
هندهن البوريك من فوق تانى ونشربه كويس جدا
هنقطعه بالسكينة قبل ما يدخل الفرن
وبعدين نصب عليه باقي التشريبه بتاعته
نميل الصنيه يمين وشمال عشان نتأكد أنه كله اتشرب كويس
ع الوش حبه البركه وسمسم
تدخل فرن حامى حوالى نص ساعه
لحد ما تاخد اللون القمر ده
وبس خلاص
تغيير عن الجلاش العادى صنف شيك ويتقدم في عزومه
من جوا
من زاوية أخرى
بحروف مقرمشه
