أطباق رئيسية

طريقة عمل وراك فراخ مخلية مشوية،طريقة عمل أوراك الدجاج المشوية

متقولولنا عملتوا اكلات ايه مميزه فى الحظر دا
كل واحده تنزل اجمد حاجه عملتها و بالطريقه كمان فوقها وممنوع اللينكات
دا موضوع شامل للناس اللى محتاجه وصفات جديده ممكن تعمل. للموضوع دا شير
وانا اول وحده هبدأ اهه الوراك المخليه دي لازم تجربوها وعلى ضمانتي مش هتبطلوا تعملوها

طريقة عمل وراك الفراخ المشوية في الفرن بالصور
طريقة عمل الوراك المتبلة
طريقة عمل وراك الفراخ بالبصل
تتبيلة الفراخ المشوية
طريقة عمل وراك الفراخ بالصوص
طريقة عمل وراك الفراخ المشوية على الفحم

الاول بنخلي الاوراك الفراخ او بنطلبها مخليه وانتى بتشتريها قوليلوا هعملها حمام كداب
علشان يحافظ لك على جلد الفراخ متماسك وسليم
ولو هتخليها فى البيت ف بالسكينه وهتحاولى تخلصى اللحم من العظم من الجهه
اللى تحت ولو هدر معاكي لحم وطلع فى العظم حطيه تاني فى الورك بين اللحم احنا مبنرميش حاجه هاا
هنتبل الوراك بتاعتنا ب ميه بصل و طمطمايه صغيره نص قرن فلفل حار و عصير ليمون و خل
و ملح وفلفل وزنجبيل و ببريكا ومسترده وزعتر و روزماري فريش
هنسيبها فى التتبيله على الاقل ساعتين تلاته وياسلام بقى لو على بيات نتبلها ونسيبها فى التلاجه
التسويه قدامنا طريقتين اولا هنشويها ع الفحم
طب ولو معنديش شوايه فحم او مكسله .
هنحطها فى الشبكه بتاعت الشوايه الفحم اللى بتتقفل على بعضها دي لو مش عندك ممكن تشتريها رخيصه اوي

او حطيها زي ما هيه كدا مفروده على الشبكه فى الفرن ولو عندك الشبكه بتاعت الشوايه
هتدهنيها زيت خفيف بفرشه و تفردي فيها الاوراك وتدخليها الفرن تحطيها على شبكه الفرن فى النص
و تحطي تحت فى ارضيه الفرن صينيه ميطنه بورق المونيوم علشان الصينيه متتحرقش هينزل فيها كل الدهون النازله من الاوراك
مش بتاخد وقت خالص فى التسويه هتعرفي انها اسوت بانك هتلاقى الجلد أخد لون ذهبي جميل
نطلعها نعملها فحمه ونغطيها علشان تتشرب ريحه الفحم وتدينا تيست ونتيجه الشوي
وبس خلاص ايه رايكم فيها ومين هيجربها

Salicia

توكل على الله واترك أمرك له، فمن رعاك وأنت صغير سيرعاك وأنت كبير 🙏 😉
زر الذهاب إلى الأعلى