كفاية قطايف بقى ونعمل حاجات تانيه..
مهلبية قمر الدين بطريقة ماما حبيبتي ربنا يبارك فيها .
مقادير مهلبية قمر الدين
الاربع كاسات دول نص لفة قمر الدين
٤ كوب ميه
حوالي ٥ معالق نشا او نص كوبايه تقريبا
فانيليا
سكر حسب الرغبه
طريقه مهلبية قمر الدين
بننقع قمرالدين في الميه لحد مايدوب وصدقوني كده احسن من لو حطيتها على النار
على طول وبعد مايدوب بضربه مع السكر في الخلاط علشان اضمن انه مفيهوش اي حتت سليمه
وبراحتك لو عاوزه تصفيه بس لو اتنقع كويس مش هتحتاجي تصفيه بعد كده هنحطه على النار
وناخد منه كوبايه قبل نرفعه على النار ندوب فيها النشا ولازم تكون ميه بارده لان النشا
مش هتدوب في الميه السخنه بالعكس هتكلكع ونضفيها تاني لقمر الدين ونسيبه لحد مايغلي
ويتقل وقوامه يبقى تخين شويه نرفعه من على النار وماتقلقوش هو هيتقل لما يبرد تاني
ونزينه بقى زي مانتو ا عاوزين جوز هند وزبيب وسوداني وفستق او ممكن كريمه حسب الرغبه
وبالهنا والشفا
طريقة عمل مهلبية قمر الدين من المشمش
