مانا برضه قلت ماينفعش السي ڤي بتاعى هنا مايكونش فيه
كفته الحاتى
هقولكوا انا اخدت ايه وانا رايحه للجزار بتاعنا
خليتوا قطعلى كيلو ونص لحمه من الفخده
وكنت واخده معايا حوالى ٢٥٠جم ليه ضانى
و (تمن كيلو فول صويا….وبصلايه واحدة كبيرة….ملح وفلفل…بهارات كفته…
بيكينج باودر…بهارات سابعه كزبرة ناشفه)
فرمهم كويس كذا مرة لحد ما تجانست وبقت فله
وقبل ما بنصبعها ماما بتفرم بصلايه صغيرة وطماطمايه صغيرة وقرن فلفل
وبنقلبهم عليها بتخليها چوسي وجميله وعلى الشوايه الفحم بقي وعيشوا
احب اقول لماما تسلم ايدك وربنا يخليكي ليا عشان بعد ربنا هى ليها الفضل
في انى ابقي بفضل الله شاطرة زييها وليا نفس حلو في الأكل
وتسلم ايد جوزى لأن هو اللي شواها وحط التاتش بتاعه
لايكات كتير بقي
