طريقة عمل قرص محشيه جبنه بيضا، طريقة المعمول الليبي بالماكينة
صباح الورد…
طبعا مش عارفه اشكركم ازاي علي تعليقاتكم الجميله في الموضوع اللي فات…
المطبخ ده صورت فيه كذا بوست قبل كده والأدوات دي صورت بيها قبل كده…
طبعا انا في السعوديه…ودي ادواتي وبعمل كده من زمان عندي هوايه وموهبه تزيين الاكل وتقديمه…
ده فطار كده خفيف لذيذ…
قرص محشيه جبنه بيضا…ومعمول في اله المعمول بالكهربا…
طريقه القرص…
كوبيتين دقيق عليهم رشه ملح…معلقه كبيره خميره فوريه..معلقه سكر كبيره…
اخلطهم..بعدين نص كوب سمنه دافيه سايحه… اخلط كويس
ربع كوب زبادي…ونص كوب لبن دافي…
انا العجينه مالمتش زودت نص كوب دقيق..عجنت كله كويس وغطيتها نص ساعه..
بعدين قسمتها كور..وحشيت كل واحده جبنه بيضا… شكلتها قرص..
وسيبتهم كمان نص ساعه ..حطيتهم في صينيه وفي فرن سخن..احمروا من تحت..
ولعت شويه من فوق..ولما طلعت غطيتها بفويل..ربع ساعه بتطري وبتبقي حلوة اووي…
اما المعمول…
كوبين دقيق
نص ك سكر
نص ك سمنة فارم او زيت
ملعقه ونص بكنج باودر
فانيليا
2 بيض
ربع ك ماء
الحشوة
تمر
هخلط كله واشكلهم كور صغيره واحشيهم عجوة واحطهم في الاله..
