فتة شاورما فراخ
المقادير:
الارز :٢ كوب أرز بسمتي
٢ كوب ونصف مياه سخنة
معلقة كركم كبيرة
معلقتين ملح
٢ في حبهان
٢ ورق لورا
٢ مكعب زبدة فيرن
الفراخ:
نصف كيلو فراخ مقطعة شرايح رفيعة
رشة بقدونس مفروم
معلقة بهارات فراخ
معلقة زعتر ناشف
معلقة ملح
رشة فلفل أسود
الصوص:
معلقتين زبادي كبار
معلقتين مايونيز كبار
فص ثوم مفروم
رشة كمون
معلقة خل
معلقة ليمون
ملح حسب الرغبة
العيش: يقطع العيش الشامي قطع صغيرة ويتحمص في الفرن وعليه رشة زيت خفيفة
ورشة زعتر ناشف او يحمر في الزيت حسب الرغبة.
طريقة فتة شاورما الفراخ:
الارز البسمتي بيتنقع نصف ساعة المصري عشر دقايق وعلي النار نجيب في حلة قطعتين زبدة
ومعلقة زيت ونحط الحبهان واللورا وننزل بالارز ومعلقة الكركم والملح
ونحط المياه السخنة وهنحط علي كوبايتين الارز ٢ كوب ونصف مياه سخنة
لو بسمتي لو مصري ٢ كوب مياه سخنة فقط يغلي غلوتين ونوطي عليه ونسيبوا يستوي علي نار هادية..
الفراخ:
هنجيب بولة و٢ علبة زبادي او كوب لبن رايب
ونحط معلقة ملح ومعلقة فلفل ومعلقة زعتر ناشف ومعلقة بهارات فراخ
ومعلقة ليمون ومعلقة خل ونتبلها فيها ونسيبها ساعتين علي الاقل او من قبلها بيوم افضل
ونجيب واك علي النار ونحط معلقة زيت وننزل بالفراخ نشوحها كويس جدا لحد ما تستوي ونحط رشة البقدونس.
الصوص:
نحط معلقتين الزبادي ومعلقتين المايونيز وفي توم مفروم
ورشة الكمون ومعلقة الخل والليمون وملح حسب الرغبة ونقلب كويس
العيش: يقطع العيش الشامي قطع صغيرة ويتحمص في الفرن وعليه رشة زيت خفيفة
ورشة زعتر ناشف او يحمر في الزيت حسب الرغبة.
فتة شاورما الدجاج
