رول اللحمة بالبيض
المقادير:-
بسله بجزر مسلوقين
بصل مفروم
توم مفروم
لحمه مفرومه ملح وفلفل وجوزة الطيب
بيض مسلوق
فلفل احمر مقطع صغير
الطريقة
هتخلطى كل المقادير مع بعضها ما عدا البيض طبعا
بعد كده هتفرديا على ورق المونيا زى كده وتحطى البيض
بس ابقى شيلى البوز بتاع البيضه من هنا ومن هنا عشان لما تقدميه هيبقى البياض شكله مش حلو
بعد كده هتلفيه رول على البيض وتتاكده انه مبروم كويس
وفى اللحظه دى حطى حلة ميه على النار معاها ورقتين لورى وشوية ملح
بعد كده هتقفليه كويس ولفيه فى ورق كتير عشان ما يبوظش منك فى السوى
بعد كده حطيه فى حلة الميه اللى على البوتجاز وسيبيه نص ساعه
وبعد كده خرجيه من الميا وسيبيه يبرد وبعد ما يبرد فكيه من الالمونيا
وقدامك خيارين انك تقطعيه عادى او انك تحمريه وتسبيه يبرد وترجعى تقطعيه لان لو اتقطع وهو سخن هيفك منك
طبعا ممكن تسويها بالفرن بدل السلق
بس اهم حاجه تقطعيه بسكينه من بتاعة العيش اللى هى مشرشرة كده
ودا الشكل النهائى
