كان فيه واحدة منزلة الصورة اللي عالشمال دي لرموش الست
فقلت وماله اجربها بس زي منتو شايفين كدا طلعتها اقراص طعمية ووش الست كله
هههههههههههههههههههه
الطريقة :
كوبايتين ونص دقيق ونص كيس بيكنج بودر
نص كوباية سكر
كوباية زبدة سايحه
٤معالق سميد
٣معالق جوز الهند
بيضتين وفانليا
وشربات طبعا
الطريقة
بنحط كله ع بعضه بس نسيب صفار بيضه فطبق ونحط عليه معلقتين لبن ورشة فانليا
ونقلبهم عشان نرش بيهم الوش عشان يطلع محمر وحلو
وبعد كدا نحط الدقيق فوقيهم ونقلب لحد متبقى عجينه حلوة كدا ونشكلها بقا وندخلها
الفرن واول متحمر وتستوي نكون مجهزين الشربات ويكون برد ونروح حاطينها فيه عشان تبقى طرية
وبالهنا والشفا
