بسكوووووووت القهوه تتتاتتتتااااااااااااا
بكل تفاصيله وتركاته وحركاته مخلتش نفسكم فى حاجه اهه
المكونات
٢٧٠ جم دقيق .. ١٧٠ جم زبده … ١٠٠ جم سكر بودره … ٢٥ جم كاكاو خام …. صفار بيضه ….
ملعقه كبيره قهوه ساده مش محوجه .. ملعقه كبيره ممسوحه قهوه سريعه الذوبان +٢ ملعقه كبيره ميه مغليه ونتركها تبرد ….
فانيليا .. و شكولاته خام للتزيين
الطريقة
قبل البدء بنص ساعه نخرج الزبده بره الثلاجه علشان تفك مش عايزينها بدرجه حرارته الغرفه
عيزينها متماسكه شويه صغيرين او ساقعه شويه
نضرب الزبده مع السكر حتي يصبح كريمي هش
ننخل الكاكاو و القهوه ونضيفهم للدقيق
ونقلبهم كويس مع بعض
عايزين خليط الزبده مع السكر يكون بالشكل دا
نضيف صفار البيضه
والقهوه المذابه فى ماء ساخن بعد ما بردت
وملعقه صغيره فانيليا سائله
ونضربهم على سرعه متوسطه لحد ما نوصل للقوام الكريمي الهش دا
نغير ونحط الكي بتاع المكينه
ونضيف خليط الدقيق مع القهوه و الكاكاو مره واحده
ونخلط على سرعه وسط حتي يمتزج معا لا داعي للخلط مده طويله يادوب يمتزج مع بعض
تجمع العجين وتوضع فى بوله
تغطي بالبلاستك استرتش وتوضع فى الثلاجه من ٢٠ :٣٠ دقيقه
ناخد قطعه من العجين وزنها ١٧ جم
ونشكلها كدا
ونعملها بعصايه الشيش طاوك علشان ناخد شكل حبه القهوه
هتكون معانا بالشكل دا
هو دا
توضع فى فرن حرارته ١٨٠° حوالى ١٠ دقائق
هتاخظ اللون دا من تحت
وهتطلع معانا بالشكل دا
تزين بالشكولاته خام
وتقدم
