طبعا كباب الحلة يعتبر من المقدسات و ماحدش يقدر يجي جنبه
بس انهاردة انا قررت اوديه في حتة تانية و تعالوا نشوف

طريقة عمل كباب الحلة بطريقة سهلة

هنبدأ بالمقادير
500 جرام لحمة مكعبات
3 بصلات متوسطين
3 فصوص توم مفروم
ربع كوباية بسلة بسلة مجمدة
معلقة سكر بني
ربع كوباية Dark Soy sauce
معلقتين خل بلسمك Balsamic Vinegar
حوالي 600 مل شوربة لحمة
رشة ملح وفلفل
معلقة زبدة و معلقتين زيت زتون
زعنر فريش
حبهان
ورق لورا

أسرار كباب الحلة


في الحلة اللي هنعمل فيها كل حاجة على نار عالية هنشوح اللحمة
و بعدين ننزل بالبصل و التوم و السكر و نسيب البصل يدبل شوية و رشة ملح و فلفل
هننزل بالبسلة و الصويا صوص و الخل البلسمك و نقلب كله تقليبة حلوة
هنزود الشوربة لحد ما تغطي الحاجات في الحلة
هنزود الزعتر و الحبهان و ورق لورا
نغطيها و نسيبها تغلي 10 دقايق
و بعدين هوطي النار خالص و اسيبها تستوي براحتها ساعتين ونص
لحد ما الصوص يتقل و اللحمة تستوي و البصل هيكرمل
الطبق ده مع ان مافيهوش توابل كتير بس في حفلة flavours حصلة جوة الحلة
و ممكن نعتبره مخدر طبيعي في اخر اليوم
هحط شويك tips في الستوريز
واسمع مني و ماتراجعش ورايا

طريقة عمل كباب الحلة بطريقة سهلة



و يارب الناس المتمسكين بالتراث مايمسكوش في خناقي