طريقة عمل الكشري المصري مثل المحلات،كشري الحله الواحده سهل وسريع
مسا مسا عليكم
كشري الحله الواحده سهل وسريع ويقضي الغرض
المكونات
كيلو رز
ربع عدس بجبه بكون نقعه في مايه سخنه قبل ما احطه علي الشعريه
ربع مكرونه صغيره
ربع مكرونه اسباجتي
بصل
طماطم
ملح فلفل اسود كمون توم خل
الطريقة
بحط حله علي النار فيها زيت واحمر الشعريه
وبعد كده ينزل العدس واقلبه وانزل الرز وبعد كده المكرونه
واحط ملح وكمون ويغلو غلوتين واهدي النار لحد ما يستوي
البصل بقطعه حلقات وارش عليه شويه ملح واحمره
الصلصه
بعصر طماطم واحطها في الحله مع شويه زيت من غير اي حاجه
اول ما تغلي بكون محضره طشه علشان انزلها عليها توم وكمون
وكزبره ورشه حبهان بودر وملح واحمرهم وانزلهم علي الصلصه غلوتين
واطفي عليهم احلي صلصه ممكن تدوقيها
الدقه الحمرا
بدق توم مع ملح وكمون وشطه وشويه خل وباخد كبشتين من صلصه الكشري عليهم
الدقه التانيه
بدق توم مع ملح وكمون وكزبره ناشفه وبحب ادق فلفل حامي
واحط معاهم شويه مايه واغلبهم علي النار وشويه خل وعصره لمون
الكشري
البصل المحمر _
بصل مقلي
الدقه
الدقه الحمرا بدق توم مع ملح وكمون وشطه وشويه خل وباخد كبشتين من صلصه الكشري عليهم
الدقه التانيه
بدق توم مع ملح وكمون وكزبره ناشفه وبحب ادق فلفل حامي واحط معاهم شويه مايه
واغلبهم علي النار وشويه خل وعصره لمون
الشعريه اتحمرت
نزلت علي الشعريه العدس
نزلت بعد.
كده الرز
وبعد كده المكرونه
ما استوي
وده شكل الطبق قبل ما احط الصلصه
وهنا بعد ما حطيت الصلصه والبصل
