طريقة عمل الكرواسون.. بالصور والخطوات،عجينة الكرواسون السريعة
طريقة عمل الكرواسون بالخطوات بتاعتنا في المخبز غير الخطوات العاديه
أولا المقادير
كيلوا دقيق
٢بيضه كامله
١٥٠جرام سكر
معلقة ملح صغيره
معلقتين زبده كبيره او سمنه او زيت المتوفر عندك
رشه فانيليا
كيس لبن نيدو وممكن من غير لبن
معلقتين كبار خميره فوريه او عجين
الطريقة
ننزل الميه واحده واحده علي المقادير لغاية ما العجينه تلم وتبقي متماسكه ونعجن كويس اهم حاجه
بعد ما نخلص عجين ممكن نحط العجين في الفريزر نص ساعه وممكن لا علي حسب راحتك
نحضر. ربع كيلوا زبده مارجرين
ونفرد العجين بالنشابه بحيث يكون العجين سميك من رقيق ونحط الربع كيلوا زبده
في نص العجين ونقفل عليها من الأجناب ومن تحت ومن فوق. ونسيب العجين يريح ١٠دقايق
ونرجع نفرد العجين بالطول بالتالي الزبده بتتمدد مع العجين وانت بتفرد ومش بتخرج من العجين.
بعد كدا ترجع تطبق زي ما في الصوره.
تكرر العمليه دي ٣مرات تفرد وترجع تطبق بحيث تعمل طبقات كتير زي اخر صوره
تسيبها تريح شويه وتغطيها بعد كدا تفرد وتقطع مثلثات زي ما في الصوره
وتحشي قطع شيكولاته صغيره مش كتير وتلف براحه وتخلص لف
ترجع تدهن وش الكورواسون
الدهان بيض علي لبن علي رشة فانيليا نلمع بس وشها
ونسيبها تخمر بعد ما تخمر ندخل علي درجة حراره ٢٥٠. ونطلعها وشها دهبي
كمان تنفع للبيتزا العجينه دي
اي استفسار اتفضلوا
طريقة عمل الكرواسون الهش
طريقة عمل كرواسون سهلة
مقادير الكرواسون
أسهل طريقة لعمل الكرواسون
طريقة عمل الكرواسون زي المحلات
عجينة الكرواسون السريعة
طريقة عمل الكرواسون بالشيكولاتة
طريقة عمل الكرواسون المورق
